نشطاء يسخرون من أتوبيسات "الواي فاي": "الناس هتفتكر الشاشات مرايات يا جدعان"

أشهر التعليقات: " كلها يومين ومش هتلاقوا الكراسى أساسا".. احنا مش عايزين منظرة والنبى ناقصين اتوبيسات بواى فاى. خليهم بس يعملولنا مترو آدمي"
أطلق عدد من نشطاء مواقع التواصل الاجتماعي "فيسبوك" و"تويتر" مجموعة من التعليقات الساخرة، على مشروع محافظة القاهرة «الميني الباص» المزود بخدمة الإنترنت اللاسلكي «Wi Fi».
ورصدت الوادي أشهر تلك التعليقات ومنها: "جايبين أتوبيسات فيها واي فاي.. هي الناس لاقيه تاكل أو تتعالج".. "احنا مش عايزين منظرة والنبى ناقصين اتوبيسات بواى فاى. خليهم بس يعملولنا مترو آدمي".
بينما سخر آخرون "الاتوبيسات دى مكانها مش في مصر الناس هتفتكر الشاشات مرايات يا جدعان"، بينما قال آخر "كلها يومين ومش هتلاقوا الكراسى أساسًا".
بينما تعجب البعض "يجمدوا فلوس جمعيات بتساعد الغلابة ويصرفوها على ترفيه الناس المدلعة"، بينما قالت ناشطة "ومين اللى قالك انى هنزل منه اساسا".
وكان الدكتور جلال مصطفى سعيد، محافظ القاهرة، قد شهد صباح اليوم حفل تشغيل 24 ميني باص ذكي «SMART MINIBUS» جديد بتكلفة 8 مليون جنيه في خطة إحلال وتجديد ميني باصات النقل الجماعي بالقاهرة.
وأشار المحافظ إلى أن الميني باصات الجديدة، التي تعمل على خط «شبرا – المطار»، مزودة بخدمة الإنترنت اللاسلكي المجاني «Free WiFi»، وبها شاشات «LED» لعرض خط السير للجمهور وشاشات «LCD» تعرض المواد الترفيهية وبعض الإعلانات وبرامج التوعية السلوكية، إلى جانب خدمة إعلان المحطات الحالية والقادمة صوتيًا لتنبيه الركاب، ويمكن للراكب دفع قيمة التذكرة نقدًا أو بكارت ذكي مدفوع مقدمًا يتم شراؤه من محطات الأتوبيسات.