بسبب صورة .. هكذا علق العسيلي علي فيديو "الواسطة"

أثار الفنان محمود العسيلي الجدل، صباح اليوم بعد انتشار فيديو له يعتبره البعض نوعا من أنواع الإساءة لجمهوره، ويأتي ذلك بعد طلب أحد الأشخاص أن يتصور معه في إحدى الحفلات التي يقيمها، وقال له : "حضرتك معاك واسطة أو حاجة جامد جدًا مثلًا.. يعني أنت اللي بتحبني وكل الناس دي بتكرهني.. لو اتصورت مع حضرتك لازم اتصور مع كل الناس دي".
الأمر الذي شهد صخبا من جانب الجمهور وهجوم علي العسيلي بسبب ما بدر منه، بالإضافة إلي قيام بعض المطربين بالتعليق علي الواقعة، وهو ما جعل العسيلي يخرج ليفسر الموقف .
وقال عبر صفحته الرسمية علي موقع التواصل الاجتماعي "تويتر"، قائلا : "حضرتك فاهمة الموضوع غلط خالص.. دي كانت حفلة كبيرة جدا فيها مئات الطلبة وواحد منهم مصمم يتصور و لو أتصوره معاه مش هاغني لأني لازم أتصور مع كل الناس اللي في الحفلة".
وتابع: "باقوله اشمعنا هاتصور مع حضرتك انت بس .. من فضلكم متحكموش على حاجة انتو مش فيها".