"احنا مش عيال صغيرة" علي الحجار يرفض الصلح مع مدحت صالح

من جديد، فتح الفنان علي الحجار النار على المطرب مدحت صالح بسبب مشروع إحياء التراث بعنوان (100 سنة غنا)، والذي يؤكد فيه كلاً منهما أنه مشروع وفكرته الخاصة.
علي الحجار يرفض الصلح مع مدحت صالح
وخلال مداخلة هاتفية ببرنامج "الستات" ، رفض الفنان علي الحجار الصلح مع مدحت صالح قائلا ً :"مدحت صالح بالنسبالي فنان كبير ومغني وأنا بحب منه أغاني كتير، لكن فكرة 100 سنة غنا دي فكرتي وهو عارف، ومدحت صالح بيطلع بنفسه في برامج كتير ويقول عني أستاذه".
وواصل حديثه :"وهو عارف مشروعي.. وواخد المشروع كوبي بيست.. احنا مش عيال صغيرة عشان تصالحونا على بعض، الموضوع متجاوز أكتر من كدا".
كما أشار الحجار أن الأزمة بينهما كبيرة متابعاً :"إحنا مش بنتخانق في الشارع، الموضوع والخلاف كبير جدا، انت عارف يعني إيه تبقى شغال سنين على رسالة دكتوراه مثلا ويجي حد يقدمها مكانك وياخد الرسالة بتاعتك اللي انت تعبت فيها، هل ساعتها أنت هتقبل الصلح".
أيضاً أكد أن حفلته الذي قال فيها مشروعه روجت بسبب الدعاية مشيراً :"مدحت صالح طول عمره من أول ما احترف بيغني 5 أو 6 أغاني لنفسه في الحفلة والباقي لمطربين وملحنين آخرين".
وأضاف :"وما قدمه في حفلته مفيش فيه حاجة جديدة حصلت، هي نفس الحفلة التي يقدمها دائما، وهو يقول هطور وأوزع الأغاني القديمة توزيع معاصر لكن ولا حاجة حصلت، إنما الدعاية هيأت للناس إن في مشروع وراء الحفلة".
واستنكر الفنان عدم خروج مدحت صالح للرد عليه حتى الآن موضحاً :"أنا عاوزه يطلع يبرأ نفسه من أنه أخد مشروعي، هو ميتساويش بيا، هو كمان مستني أنا هكلمه، محدش يقارني بيه وده مش غرور".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا