رامي صبري يرد على اتهامات عمرو مصطفى بالسرقة :"أنا مكبر دماغي"

فتح الفنان رامي صبري النار على الملحن عمرو مصطفى بعد اتهام الأخير له بسرقة لحن أغنيه "يمكن خير"، مشيراً إلا أنه مجرد توراد أفكار بينهما، وذلك خلال تصريحات إذاعية له.
رد رامي صبري على إتهامات عمرو مصطفى بالسرقة
وخلال حواره الإذاعي استنكر رامي تصريحات الملحن المصري قائلا ً :"معنديش مشكلة تقول صوتي وحش أو الأغاني بتاعتي وحشة أو مش نجم ومش ناجح إنما تطلع تقول أنت سرقت دي كلمة كبيرة، رامي صبري مش مطرب بس، أنا راجل دارس موسيقى ومتخرج من المعهد العالي للموسيقى العربية قسم تأليف موسيقى كلمة كبيرة جدًا زي عمر خيرت وياسر عبد الرحمن موسيقار المفروض أنا مبتكلمش عن نفسي كتير".
وواصل حديثه :"وهو خريج جامعة القاهرة كلية حقوق في الآخر أنا متخصص، فلما ييجي يتكلم الأستاذ مع الطالب معاه مش هنتساوى، الدراسة بتخلي عندك ثقة في الكلام عن الموسيقى، وهو بيتكلم غلط.".
كما أكد أن تشابه الألحان مجرد توارد للأفكار بينهما متابعاً :" لو هو يعرفني كويس هيبقى عارف إني فنان والمبدع الحقيقي مش بيسرق، فيه فرق بين السرقة وتوارد الأفكار، زمان عملت أغنية للفنان عامر منيب اسمها مكنش حب وهندم ليه، بعدها بسنة عمل عمرو دياب أغنية أي حاجة تيجي من ريحة الحبايب، السرقة اللي بجد بتكون في اقتباس 4 موازير، لكن اللي حصل إنه فيه تشابه في 3 بس، وده توارد أفكار".
كذلك أكد أنه يستطيع حبسه بهذه الكلمات متابعاً :"لما ييجي يتكلم على متخصص وأنت خريج حقوق لازم تكون عارف بتتكلم عن مين، أنا لو مركز معاه هيتحاسب عليه قانونًا لكن أنا بكبر دماغي، مش هو ده اللي يهمني، أنا يفرق معايا جمهور إنه يسمع حاجة حلوة اطلع ملك الفرفشة وابقى لذيذ".
وأنهى حديثه مستنكراً :"هقوله ربنا يهديك، اشتغل أكتر واعمل حاجات جديدة زي ملحنين كبار تانيين زمايلك زي عزيز الشافعي ومدين مش مركزين في اللي انت بتعمله واعملنا شغل حلوة، وأنا شخصيًا لو أنت عملت أغنية حلوة ليا هغنيها ومعنديش مشكلة معاك إنما تقول سرقة ده كلام صغير عيب يطلع من فنان كبير زيك".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا