بعد هجوم عمرو مصطفى عليه.. رامي صبري: «لما بيغير من نجاح بيخبط في الناس»

رد المطرب رامي صبري على الملحن عمرو مصطفى، بعد اتهامه له بسرقة ألحانه دون الرجوع إليه، خلال تواجده بإحدى البرامج التليفزيونية.
وحول سرقة لحن أغنيته "يمكن خير" من أغنية رقصة، أوضح "صبري" أن سرقة الألحان تكون عندما يتم اقتباس 4 موازير فقط، بينما تتشابه بدايات الأغنيتين في ثلاثة موازير فقط.
وعلق رامي صبري خلال إحدى البرامج التليفزيونية على تصريحات عمرو مصطفى الذي هاجمه بشكل قوي، قائلا: "نفسي عمرو مصطفى كصديق وعشرة سنين يركز بجد هو فنان بجد فنان بجد مش أي كلام وموهوب، وعمل أغاني مهمة في مسيرته الفنية لعمرو دياب وحماقي وناس كتير نجحوا".
وتابع: "هو نجح عشان اشتغل مع عمرو وفنانين كبار، حتى لو المرحلة دي عدت متقعدش تخبط في الناس كلها ومتتخانقش وتعمل عداوات مع الناس كلها وتزعل الناس، ومش هنتبسط منك احنا هنتضايق منك؛ لأني مبحبش التقليل من قيمة الناس".
رامي صبري يوضح سبب غضب عمرو مصطفي
وأضاف رامي صبري: "مش بحب أتكلم على زملاء بشكل سلبي والمفروض إننا أصحاب وعشان بيني وبينه عشرة مش هتكلم بطريقته؛ لأن طريقته معجبتنيش لأنه قال إن أنا سرقت، الكلام اللي قاله عمرو مصطفى يدينه، يعني إيه السرقة دي أصلا عيب إنه يطلع يقول على فنان كبير في هذا الوسط يتكلم عنه بالشكل ده، مشكلة عمرو مصطفى مش أغاني لأن لو حد فينا سرق حاجة هيقاضينا، عمرو مصطفى لما بيغير من نجاح بيطلع يخبط في الناس".
وأنهى: "محدش فينا عاجبه خالص كلنا واقعين وكلنا مبنعملش أغاني حلوة وكلنا أغانينا مسروقة منه، وأنا لو عندي مشاكل نفسية ممكن مخليهوش يشتغل تاني بالقانون، إنما عشان أنا مهذب ومتربي كويس هعديها؛ لأن مراته ست محترمة وولاده زي أولادي".