تصرف صادم من باسم سمرة بعد علمه بإدمان الفنان أحمد عزمي للكوكايين.. تفاصيل

تحدث الفنان أحمد عزمي، عن تفاصيل أزمته مع الإدمان وموقف الفنان باسم سمرة معه خلال هذه الفترة، وذلك خلال لقائه ببرنامج "واحد من الناس" من تقديم عمرو الليثي.
تصريحات أحمد عزمي الأخيرة
وخلال لقائه، روى الفنان أحمد عزمي تفاصيل أزمته مع الإدمان فقال :"موضوع الإدمان معايا بدأ بالكحول، أول طريق الإدمان اللي خلاني أبقى أعتمد على أي حاجة تبعدني عن واقع أنا رافضه".
واستكمل :"أنا كنت بشتغل فيلم الشوق مع خالد الحجر في الإسكندرية، وبعدين شربت وأنا عمري ما كنت بشرب أثناء التصوير"
لافتاً :"دي كانت المرة الوحيدة اللي عملت كدا وزعلت حد من العاملين وخرجت عن النص ودي كانت أول مشكلة ليَّ".
وتابع أحمد عزمي :"باسم سمرة كنا بنشتغل كتير مع بعض وفي في فترة شك إني مدمن كوكايين، فجالي البيت هو وهشام أخوه وابن عمه وخطفوني وقال لي تعالَ بس معايا وخدني عنده لمدة 4 أيام".
وواصل حديثه :"قال لي أنا عايز أتأكد لإني سامع عنك إنك مدمن كوكايين وأنا عايز أتأكد إنك كويس فقلت له طب كويس بس أنا مدمن كحول، بس الفكرة إن فيه أوقات ببقى عايز أهرب عن كل الناس بما فيهم الأهل ومراتي وابني آدم اللي كل حاجة في الدنيا، وأنا أخدت قرار إني أبعد عن ابني لإني كنت محتاج صدمة إلهية".
وأضاف :"ودا اللي حصل من القبض عليَّ ودخولي السجن 6 شهور ودا كان فرصة إني أبص على نفسي من برة وأشوف الحاجات اللي كنت ممكن أقف عندها".
واستطرد :"صدمة دخولي السجن تجربة قاسية وصعبة عليَّ وحسيت إني دفعت ثمن غلطة أنا غلطتها وحمدت ربنا إنها جت في دي".
واسترسل :"لأن الإدمان ممكن يخليني أعمل حادثة وكنت ممكن ارتكب جريمة في حد قريب مني فتبقى حاجة عايش بيها طول حياتي واعتبرتها قرصة ودن علشان ارجع لربنا".