شاهد.. طليقة عريس"من يؤتمن على العرض" تكشف مفاجآت صادمة

قالت السيدة وردة، طليقة صاحب تريند "من يؤتمن على العرض لا يسأل عن المال"، إن طليقها عليه أحكام نفقة منذ شهر أكتوبر من عام 2020، وحتى هذا الوقت لم ينفق على أولاده ولم يراهم.
قائمة المنقولات
وأضافت "وردة"، في اتصال هاتفي لبرنامج "حضرة المواطن" مع الإعلامي سيد علي، على فضائية "الحدث اليوم" مساء الاثنين. "أنا مش مانعة طليقي من رؤية أولاده".
وتابعت "لكن هو مش بيجي يشوفهم وهو عامل قضية رؤية وأنا بنفذها لكن هو مش بيجي". وبسؤالها عن قائمة المنقولات، قالت:" وقتها حدث خلاف كبير جدا وأنا أخذت العفش 3 أوض اللي كان جايبهم".
واستطردت "باقي الأجهزة كلها أنا كنت جيباها وهو كان عارف اني بأخذ الحاجة والجيران كلموه وعرفوه وكان بين البيت وشغله دقائق وكان في ايده يجي ويحل المشكلة".
نصيحة للفتيات
وتابعت "أنا دخلت على كل المواقع اللي سجل معاها وعرفتهم أنه عليه حكم نفقة ومش بيصرف على أولاده ومش بيدفعها إزاي شخص يؤتمن".
ووجهت نصيه للفتيات قائلة:"مفيش حاجة اسمها كل حاجة هتتغير بعد الجواز اعرفي الشخص كويس وخدي بالك من الإشارات اللي بتيجي من ربنا".
وأردفت "بان الطريق ده مينفعش تمشي فيه واسمعي كلام أهلك لو قالولك ان الشخص ده مينفعش هم بيكونا أدرى منك".