منة فضالي: «عمري ما حسيت أن بابا عنده مشاعر تجاهي أو بيحبني»

* Total0
* * * * * *
تصريحات صادمة فجرتها الفنانة منة فضالي عن حياتها الشخصية خلف الكواليس، تداولها رواد مواقع التواصل الإجتماعي في الساعات القليلة الماضية، منها حديثها عن والدها وعلاقتها به.

علاقة منة فضالي بوالدها
فكشفت الفنانة منة فضالي أن علاقتها بوالدها ليست قوية بسبب البعد عنها فقالت لبرنامج vip :"عدم وجود كان بابا بيأثر عليا جدا، بس ماما كانت مالية الفراغات دي كلها طول الوقت كانت شاغلة دماغي ومش بقعد في البيت لواحدي، وأما كنت بسأل على ماما كانت بتقولي مسافر أو شغله برة، وكنت بتضايق ان بابا مش معايا في حفلات المدرسة".
وواصلت منة فضالي حديثها :"البنت محتاجة سند وحضن تحس بيه بالأمان وأما يكون عندها مشكلة في المدرسة تلجأ للأب مش للأم، وأنا كنت بلجأ لجدي، وكنت بفتقر ده جدا وأي واحدة في سني كانت بتكون عايزة باباها وكنا بنتكلم كل فين وفين وكنت بتضايق ومكنتش عارفة إنهم منفصلين، سابني وأنا عندي شهرين ومعرفش ليه عمل كدة ونفسي اعرف".
كما تطرقت للحديث عن علاقة والدها بوالدتها فقالت :"أمي أول زوجة وقعدوا مع بعض 13 سنة وكانوا بيحبوا بعض جدا ولسة العلاقة بينهم فيه احترام ومتقطعتش بحاجة وحشة، في البداية كان الموضوع بالنسبالي كره في الأول وتعبت نفسيا واتعلمت إن أنا أبقى قوية ومرتبطش بحد بس كنت طول الوقت في علاقاتي كنت بدور على الأب، وممكن أكون كنت في سن صغير مرتبطة بناس كبيرة الموضوع عملي أزمة وأزمة كبيرة".
وأضافت منة فضالي :"كنت بتخطب لأول مرة وحسيته بيرميني وكنت بحبه وهو بيحبني اوي كان عندي 21 سنة وأول مرة أشوف بابا وهو راح يخطبني منه وكانوا بيتكلموا في تفاصيل الجواز قالي خدوها مش عايز منكم حاجة واحنا بنشتري راجل واتجوزوا بسرعة وقال لماما طالما بتحبه وهو بيحبها خلينا نخلص".
وأنهت حديثها لافتةً :"أنا مخسرتش لأن كان ورايا ست بميت راجل أمي تعبت جدا معايا وكانت ست مكافحة جدا وبتتعب وبشتقى عشان تكبرني ومتحرمنيش من حاجة، مكنتش بشوفها خالص وكانت بتشتغل كتير، بابا ناسي عيد ميلادي، وعمري ما حسيت انه عنده مشاعر تجاهي عمري ما حسيت انه بيحبني ابدا مع اني حاولت أقرب منه بس هو مساعدتنيش وكان بعيد طول الوقت يمكن عشان انا متربتش معاه ولا تعب عليا".