«من حلقتلي ل عرض عليا الزواج» تفاصيل قصة حب شيري عادل وطارق صبري

في لقاء ترقبه الجميع، إستضافت الإعلامية إسعاد يونس ثنائي الحب الجديد الفنانة شيري عادل وزوحها طارق صبري ليتحدثوا عن قصة حبهما التي بدأت بالصداقة ثم انتهت بعقد قران، ترقبا للحفل الزفاف خلال أيام المقبلة.

قصة حب طارق صبري وشيري عادل
شيري عادل وطارق صبري
وسرد الثنائي خلال برنامج "صاحبة السعادة" تفاصيل قصة حبهما فبدأ طارق صبري حديثه قائلا ً :"إحنا صحاب، وفجأة حسينا إنها ليها 10 مليون حما وأنا نفس الكلام المفروض كنا نروح نتفق مع الناس وده حب حسينا كأن الناس كلها حضرت الفرح، ودي حاجة بسطتنا جدا هما اتفجؤوا بس كان فيه معايدات ومباركات".
وواصل طارق صبري حديثه :"الموضوع بدء لما اشتغلنا بنات سوبر مان من 2016، كنا زمايل خالص بس مكنش فيه علاقة عاطفية، بقينا أصحاب وبنسأل على بعض كل فترة وكان عندي شوية إعجاب تجاه شيري وكنت بحاول أسأل عليها كل فترة وتعالي نتقابل وكانت بتحلقلي كانت دايما بتيجي على بالي ومتقبلناش غير مرة في اجتماع عند أشرف عبد الباقي".
واسترسل طارق صبري حديثه :"ومرة قولتلها تعالي نتقابل قالتي انا قاعدة جنب القط بتاعي فعرفت انها بتحلقلي"، لتقاطع الفنانة شيري عادل حديثه قائلةً :"أنا عندي القط بتاعي كان تعبان وكنت قاعدة جنبه عشان علاجه، فبقوله فعلا اني مش هقدر أنزل، بعدها ب 3 أسابيع كان معروض عليا مسلسل حلو أوي وبعدها جتلي سفرية مفاجأة وكلمتهم وعرفتهم".

وأردف طارق صبري :"أنا مكنش ليا دعوة بالموضوع أصلا وأخت المخرج زميل لينا، وبتسألني عن حاجة بعيدا عن الموضوع خالص، وأنا معاها في التليفون قالتي اتخضت وقالتلي استنى دقيقة، راحت ورجعت واحدة تانية، حصل ظرف صحي لزميلنا المخرج وبينقلوه على المستشفى ووقتها اتخضيت وقولتها لو محتاجة حاجة وقفلت وبالصدفة كان قبلها بشهرين جالي حاجة في القلب صحية فاتعطفت معاها".

وتابع طارق صبري حديثه :"روحتله المستشفى وكانوا بيعملوله تشخيص وكدة، ولقيت حد دخل عليا فجأة من الانتاج وبتقولي شيري عادل كلمتك، أنا استغربت وقتها وقولت الأكونت بتاعي متهاك وبعدها قولتلها كلمتني فين وكدة بعدها سكتت وسابتني".

وأضاف طارق صبري :"هما بشكل ما ربطوا ان اعتذارها هو السبب، فاما كلمتني اشتغلتها بقى وفضلت اقول الراجل يقول ميصحش وهي السبب وبتاع وبعدها هزرت معاها وبدأ من هنا قربنا من بعض تاني يوم روحنا زورناه مع بعض هي طلبت وأنا مصدقت وقربنا ببعض وهو ليه معزة خاصة بالنسبالنا".

وأنهت شيري عادل كاشفةً :"بدأ يكلمني من المستشفى وأنا اسأل عليه وهو عمل حاجات من اللي بنحبهم، والموضوع بقى كأن اتنين المفروض يقابلوا بعض كل يوم ويكلموا بعض كل يوم وفجأة بقينا في حياة بعض، وبعدها عرض عليا الجواز".