نصائح غريبة من ياسمين عز للمقبلين على الزواج في ظل إرتفاع الأسعار.. شاهد

حرصت الإعلامية ياسمين عز على التعليق علي الزواج فى ظل ارتفاع الأسعار، كما هاجمت بعض البنات بسبب كثرة مُطتلباتهن في هذه الفترة، وذلك خلال برنامجها "كلام الناس" عبر قناة mbcمصر.

نصائح ياسمين عز للمقبلين علي الزواج
فتحدث الإعلامية ياسمين عز عن السبب وراء عدم قدرة الشباب علي الزواج مؤكدة أنه يرجع للمقارنة بين البنات فقالت:"العروسة بتطلب دهب مش أقل من هايدي بنت عمها والعريس الغلبان بيخرج من عندهم شعره شايب ومطقطق من كتر الطلبات".
وواصلت ياسمين عز حديثها:"عيشي عيشة أهلك ومتتعمليش مع خطيبك أنه بيل جيتس وبيتك مفيهوش غير شاشة 32 بوصة وتطلبي من خطيبك شاشة سمارت عشان تتفرجي على شاهد، وكمان تتفرجة على مسلسل أزمة منتصف العمر".
وأضافت ياسمين عز:"بتطلبي غسالة أطباق ومكسلة تغسلي الطبق اللي هياكل فيه فرعونك حبيبك، وبتقولي عايزة تلاجة ميني بار عشان خايفة تمشي على رجلك تجيبي ماية من المطبخ، هاتي كباية ماية جنبك وكفاية دلع ماسخ ملهوش لازمة".

نصائح للتعامل مع الخلافات قبل الزواج
كما تطرقت ياسمين عز للحديث عن الخلافات التي تحدث بين العريس والعروسة بسبب قائمة فقالت:"العريس والعروسة بيتخنقوا على القايمة وبينسوا المودة والرحمة اللي بينهم والعفش بيرجع للعروسة تاني متكسر بسبب العند، اللي يأتمن على العرض لازم يخاف عليها اكتر ما يخاف من ورقة قايمة، وبتنسوا كل حاجة وتفتكروا شوية كراكيب وتنسوا الرحمة، والمفروض ولا قايمة اللي تزعلكوا من بعض ولو معاه مال الدنيا واخلاقه وحشه هتجري".
وأختتمت حديثها لافتةً:"أنتي بتنسي انه صرف اللي وراه واللي قدامه عشان يتجوزك، ومش ورقة منقولات اللي هيضمنوا أنه كويس، اخلاقه وأصله اللي هيضمنوا أنه كويس".