يتحرى الكثيرون حول سبب تعرض بعض الشباب الأصحاء لجلطات القلب المفاجئة، رغم ابتعادهم عن التدخين، وعدم إصابتهم بأحد الأمراض المزمنة من ضغط أو سكر. ويكشف الدكتور خالد حامد، أخصائي القلب والأوعية الدموية والقسطرة القلبية، عن السر وراء الإصابة بجلطات القلب المفاجئة. الكوليستول الضار والعامل الوراثي وقال "حامد"، في منشور عبر صفحته الشخصية على "فيسبوك"، إن الكوليسترول الضار LDL الوراثي هو العامل الخفي المتسبب في جلطات القلب. وأوضح أن ارتفاع الكوليسترول الضار LDL عبارة مرض وراثي يعتمد على الجينات التي يرثها الشخص من والديه. وأشار، في هذا السياق، إلى أن الكوليسترول يتكون أساسًا فى الكبد بنسبة 70% ، أما نسبة ال 30% المتبقية فتتكون على أساس الطعام الذي يتناوله الشخص. وتابع: "وبناء عليه، لو أنا ماكلتش أكل فى كوليسترول يبقى كدة مش هيكون عندى كوليسترول عالي؟!.. لا ياحبيبي ، لو انت من ورثت الكوليسترول جسمك بيكون كوليسترول بردو عن طريق الكبد، فلو انت الكبد عندك بيصنعه بزيادة عن الشخص الطبيعي هيعلى عندك حتى لو مش بتاكل دهون وزيوت كتير طالما عندك العامل الوراثي". وأكد أن العامل الوراثي يؤدي إلى ارتفاع الكوليسترول وترسبه فى جدار الشرايين التاجية وبالتالي انسدادها، ما ينتح عنه الإصابة بمضاعفات خطيرة مثل جلطة القلب أو ضعف عضلة القلب. حالة حقيقة ل4 أشقاء لديهم ارتفاع وراثي للكوليسترول الضار وحكى الطبيب موقف له مع أربعة أشقاء لديهم العامل الوراثي الذي ساعد أجسادهم على تكوين الكوليسترول الضار LDL بنسب مرتفعة دون عوامل خارجية. وقال: "مريض يقول طيب أنا لا بدخن ولا عندي ضغط ولا سكر وركبت 5 دعامات على إيدك يا دكتور وسني 35 سنة؟!.. ابحث عن ارتفاع الكوليسترول الضار بالدم LDL والعامل الوراثي، شوف أخواتك، باباك، مامتك". واستكمل على لسان المريض: "أه فعلا، أخويا جاله جلطة مفاجأة بالقلب وأصحابه خدوه على أقرب مستشفى وكانت حالته خطيرة والحمد لله ربنا نجاه وعمل 3 دعامات وبعدين جه يتابع عندك وهو اللي عرفنا عليك، أما بقى أخويا التاني لما تكرر عليه آلالم الصدر وفم المعدة مع أقل مجهود لدرجة إنه يضطر يوقف يرتاح جه كشف علطول وطلع عنده تضيقات شديدة بالشرايين وركبت له 4 دعامات". واسترسل المريض: "وأنا لما كنت بمشي فى الموقع بنهج مع مجهود قليل وبيجيلي تقل في صدرى وعملتلى قسطرة وركبت 5 دعامات". وقال أخصائي القلب: "أخوهم الرابع الحمد الله سليم ولا يشتكي من شئ فهم اللعبة فقالي: طيب أنا عايز أحمى نفسي من ضيق الشرايين التاجية وإني يجيلى جلطة أو احتاج دعامات زي أخواتي أعمل إية؟!". علاج ارتفاع الكوليسترول الضار الوراثي واستطرد الدكتور خالد حامد قائلًا: "الله عليك، والله انت بتفهم، يبقى تعمل تحليل كوليسترول ودهون (lipid profile) وتاخد علاج للكولسترول كمان وقائي (Statins)، بحيث يقل تصنيعه فى الكبد وتحافظ على الكوليسترول الضار فى أقل معدلاته وبالتالي شرايينك تفضل سليمة وتقل العرضة لأمراض القلب ولا تحتاج لتدخل بدعامات طول عمرك". وذكر أن علاج الكوليسترول الضار الناتج عن عامل وراثي يكون مدى الحياة؛ لأنه في حال إيقافه ستعود جينات الجسم في تكوينه ثانية، ويترسب على الكبد. أما عن مضاعفات علاج الكوليسترول على الكبد والعضلات، فعلق طبيب القلب: "علشان أخاف على الكبد من علاج الكوليسترول لازم تكون إنزيمات الكبد رفعت 3 أضعاف الرقم الطبيعي، وده فعليًا ماشوفتوش ولا مرة لأن دة لو حصل بيحصل فى مرضي الكبد ودول مش بنحطلهم علاج Statins أساسًا". وأضاف: "أما آلام العضلات، فبذمتك يا شيخ انت أهو مبتخدش علاج للكوليسترول، معندكش آلام بالعضلات وانت بتقرأ دلوقتي؟! فماتجبهاش في الدوا اللي هيفرق في حياتك وضرورى لصحتك".
