هاجمت ميار الببلاوي الكثير من الفنانين هذا الأسبوع خلال لقاءها في برنامج قعدة ستات، المذاع على قناة القاهرة اليوم. وسردت ميار الببلاوي هذه المرة موقف مع الفنان الكبير أحمد رزق، وكشفت تفاصيل الخلاف بينها وبينه قديمًا، والذي استمر لعدة سنوات، موضحة: "لما أقصد الإساءة مطلقًا وأن الأمر كله ما هو إلا سوء فهم". تصريحات ميار الببلاوي عن أحمد رزق وقالت الببلاوي،: "أنا عاتبت أحمد رزق وقُلت له إنت قلبك إسود يا أحمد مش بتصالحني ليه؟، والموضوع بدأ إني كنت في مرة بتطلق والوقت ده كان انفصال حنان مطاوع عن أحمد رزق بعد ما كانوا مخطوبين، فأنا لقيت واحدة منزلة صورة حنان وخطيبها وكاتبة عليها أتقل تاخد حاجة نضيفة، وأنا نشرت الصورة عندي من غير قصد، والله ما كنت أقصد أحمد وهو حبيب قلبي". ميار الببلاوي : أحمد لحد دلوقتي مخاصمني وأضافت الببلاوي،: "أنا عارفة كويس إن مستحيل أغلط في أحمد، والصورة اللي نشرتها كان الغرض منها إني ألقح على الشخص اللي انفصلت عنه، ولكن الصحفيين خدوها وبعتوها لأحمد رزق، وقالوا إني بقول عليه كده، وبعت لأحمد على الواتساب مردش عليا خالص، ولغاية دلوقتي مخاصمني". ميار الببلاوي تفتعل الأزمات واختتمت قائلة: "أنا مشكلتي فعلًا إن لساني متبري مني، وبتكلم باللي في قلبي جدًا وبفترض في اللي قدامي إنه يكون فاهم، وعمري ما كنت غلاطة حاشا لله، ومفيش بيني وبين أي حد من أصدقائي من الوسط الفني الجيل بتاع زمان ودلوقتي أي خصام". وعلى إثر هذه التصريحات انهالت التعليقات السلبية على ميار الببلاوي، رافضين هجومها المستمر على الفنان وخاصة الكبار منهم، متهمين إياها بالكذب على المشاهير وإنها تريد صعود التريند لأنها لا تعمل وتريد دور في مسلسل.
