محمد نجاتي يفجر مفاجأة| مسكت إيد منة عرفة عشان مشهد واتطلقت بسببه

كشف الفنان محمد نجاتي، عن السبب وراء انفصال الفنانة منة عرفة عن زوجها الفنان محمود المهدي حيث قال: "كان في مشهد بيني وبين منة ف مسلسل فيلا 101 والمفروض كان هيغمى عليها وأنا هقيس نبضها وأمسك ادها ومنة اعترضت وأنا أصرت نعمل المشهد وعرفت تاني يوم إنها اتطلقت بسبب المشهد".
أضاف نجاتي، خلال التصريحات الصحفية، "منه اعترضت على المشهد اللي قبل دة واللي المفروض أنها بيغم عليها فأنا بشيلها بما اني أخوها والراجل الوحيد اللي موجود وطلبت أن البنات هما اللي يشيلوها".
يذكر أن مسلسل "فيلا 101" هو مسلسل قصير مكون من 10 حلقات سيعرض على إحدى المنصات الإلكترونية قريبًا.
وكانت أعلنت الفنانة منة عرفة، عودتها لزوجها الفنان محمود المهدي بعد انفصال لمدة يومين، من خلال حسابها الشخصي بموقع تبادل الصور والفيديوهات "انستجرام".
كتبت منة، "من أصعب اللحظات اللي ممكن تعدي على أي ست، لحظة الانفصال وخراب البيت، الطلاق بيهتز له عرش الرحمن، لكن أنتم يمكن عشان بتسمعوا عن بيوت بتتخرب كل دقيقة؛ فبقى أبغض الحلال عليها، رهان بتعملوه مع بعض على إننا مش هنكمل، أو مادة خام للشماتة فينا"
أضافت، "خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي، اللي ربنا ما يكتبه على أي ست، ما رحمتونيش، ولا قدَّرتوا إني في موقف لا أُحسد عليه، وشمتانين فينا، قد إيه أنتم ناس ما تعرفوش ربنا، ولا في قلوبكم رحمة".
تابعت منة، "اتمنوا الخير لبعض يا جماعة، بلاش نشمت في بعض، لكن دي غلطي أنا، إني شاركتكوا حياتي الشخصية، الإنسان بيغلط عشان يتعلم، وأنا اتعلمت، ربنا يعينكوا على نفسيتكم الجحيم دي، وعسى أن تكرهوا شيئا وهو خير لكم".
واختتمت حديثها قائلةً: "يمكن الخلاف اللي حصل؛ كشف لنا ناس كتير حوالينا، كانوا بيمثلوا إنهم فرحانين لينا، بس الحقيقي إنهم كانوا مستنيين أول مشكلة؛ عشان يشمتوا في كسرتي وخراب بيتي، بس والله ربنا مش هينولهالكوا، وربنا يخلي أهلي وزوجي، والناس اللي بتتمنى لي الخير، ووقفت جمبي، وكلمة أخيرة للسادة الصحفيين، أرجوكم كفاية بقى، ارحمونا، حرام عليكم.
أخبار الفنمحمد نجاتيمنة عرفة