ابنة ماهر سليم عقب وفاته : "دفنته الصبح ونزلت عرض كوميدي"

كتبت أسماء ماهر، نجلة الفنان الراحل ماهر سليم، منشور عبر حسابها الشخصي بموقع "فيس بوك"، قالت فيه: "بابا! أنا مش قادرة أكتب ولا أرد على حد ولا أعمل أي حاجة غير أني أسكت وللأسف مش مستوعبة إن كل ده حصل، عقلي رافض كل اللي حصل واللي بيحصل، بس النهاردة كان لازم أنزل البوست ده لأسباب كتير".
أضافت، "أولهم وأهمهم أحساسي، بابا كان حكالي موقف مؤثر جدآ جواه، لما والدة بابا توفت اللي هي جدتي، دفنها الصبح وخد العزا ونزل وقف على خشبة المسرح كان عنده عرض كوميدي، وبالفعل نزل وعرض، أنا سألته ساعتها ازاي قدرت تكمل! قالي الحياة وقفت جوايا بس من برا الحياة مشيت".
تابعت، "الموقف ده اتكرر النهارده وكأنه كان بيحكيلي اللي هيحصلي أو بيمهدلي، يوم وفاة بابا 9/2 كان عندي افتتاح عرض (محل اللعب) على مسرح الهناجر بالأوبرا، أنا دفنت بابا الصبح واتصلت بالمخرج قولتله إني جاية العرض بالليل، وطبعا بما إن الزمن غير الزمن، المخرج إيهاب ناصر رفض وأصر إني مجيش يومين، وبالفعل حصل".
واختتمت حديثها، قائلة: "ولكن النهاردة أنا نزلت عرضت كوميدي، الإحساس قاتل وأنت بتعمل عكس اللي جواك، إحساس قريب من الانهيار الداخلي، أنا بس عايزة أقول أنا شبهك في كل حاجة مش بس شكلك، أنت دلوقتي في مكان يليق بنقاء روحك، بس وحشتيني أوي يا بابا ووجعتني أوي أوي".
وفاة الفنان ماهر سليم:
ورحل ماهر سليم عن عالمنا يوم الخميس الماضي بعد صراع مع سرطان الدم، وتم تشييع الجثمان من مسجد السيدة نفيسة والدفن بمقابر الأسرة بطريق الفيوم وسط حضور عدد قليل من الفنانين.
أحبار الفنابنة ماهر سليمماهر سليموفاة ماهر سليم