كشف الفنان عمرو عبد الجليل، عن إصابة نجله "عبد الجليل عمرو عبد الجليل"، بمرض خطير يعاني منه منذ أربع سنوات ونصف. وقال عمرو عبد الجليل، عبر حسابه الرسمي على منصة التواصل الاجتماعي "فيسبوك"، "عبد الجليل ابني هيعمل عملية في العصب المخي التاسع عشان تعبان بقاله 4 سنين و نص ادعوله". فيما كتب عبد الجليل الابن، عبر "فيسبوك"، قائلًا: "الحمد لله الحمد لله من فضل رب العالمين ربنا قدر إني اعرف المرض اللي عندي بالظبط بعد 4 سنين و نص بتألم كل ثانيه فيهم، العصب المخي التاسع ده العصب بتاع الكلام و المضغ و البلع هو ده العصب اللي التهب عندي وأنا واقف بغني من 4 سنين عشان كده مبقدرش اتكلم ولا امضغ ولا ابلع خالص". وتابع: "انا بإذن الله هعمل العمليه دي مع الدكتور ده دكتور محمد عبد الفتاح استشاري علاج الألم و المخ و الأعصاب.. دي عمليه تردد حراري علي العصب التاسع، كل اللي أنا طالبه منكوا بس الدعاء رجاءًا ادعولي". ويشارك عمرو عبد الجليل، خلال السباق الرمضاني لهذا العام، في 7 أعمال درامية؛ وهي ("كوفيد-25″، "لحم عزال"، "كل ما نفترق"، "نسل الأغراب"، "عش الدبابير"، "النمر"، "بين السما والأرض")
