سعد الصغير: مش شرط يحصل تحدي أو حدث كبير عشان تعمل خير

أعلن الفنان الشعبي سعد الصغير عن مشاركته في تحدي الخير الذي اطلقه عدد كبير من نجوم الفن والرياضة والإعلام، ولم يعلن الصغير عن عدد الأسرة التي يتكفل بيها المتضررة من فيروس كورونا وخاصة أصحاب الأعمال الحرفية ممن يحصلون على رزقهم يوما بيوم.
وقال سعد الصغير:"مساء الفل علي أخواتي وحبايبي بقول كل كلمه من كل قلبي في ظروف صعبة ما يعلم بها غير ربنا مش هقولكم أنا هتحدي ولا هقول كام أسرة ولا كام شخص حاجة واحده بس كنت كمان في مشهد من فيلم "ابقي قابلني" قولتها وأنا في مشهد بتاع وأنا في السجن لو كل واحد معا فلوس أو غني ساعد حد فقير بس بحاجة بسيطه عمرنا ماهنوصل في الي أحنا في، آه أحسن من ناس تانية كتيرة وبلاد تانيه كتير بس أنا بتكلم في حاجة معينة اللي هيا مش شرط حدث يحصل أو حاجة كبيره تحصل والعالم شايفها فا تساعد علشان ظروف ما وبعد كدا تقول أنا عملت الي عليا ".
وتابع: "ياجماعه أقسم بالله الي بيعمل خير طول عمره هيفضل في خير طول عمره وكفاية السيرة الحلوة وحب الناس بسيطة ومش هطول عليكو ياريت الناس الي بتعمل خير وتتحدي تعمل التحدي دة مع ناس الغلبانة التعبانة الي أنا كنت واحد في يوم من الأيام منهم مش أيام ولا شهور فقط".
وأضاف:"ياريت نساعد بعض طول حياتنا أفهم وخليك عارف كدا هنموت كلنا وكله هيبقا زي بعضو خالي الي معاك مايبقاش بتاعك أنت وبس في غيرك محتاج ربع بسيط من الي معاك وأنت خد الباقي ياعم وأعمل الي انت عايزه . أتمنا كلامي يبقا مفهوم ويوصل لكل حد محترم أصيل بيعمل خير وبيحب الناس من قلبه بجد وطيب".
وأختتم حديثه: " وإن شاء الله أزمه وهتعدي باذن الله ربنا هيكرمنا وهنبقا أحسن ناس في الدنيا اللهم آمين".
View this post on Instagram
A post shared by Saad ELsoghayar _ سعدالصغير (@saad_elsoghayar_official)