خالد الجندي لمدعي التنوير: "ولا عارفين يتعلموا الطهارة ولا يطلعوا القمر"

وجه الشيخ خالد الجندي، عضو المجلس الأعلى للشئون الإسلامية، رسالة لمن وصفهم بمدعى التنوير: "دول عندهم سلاح يتيم واحد وهو السحرية والتريفة، مفيش عندهم مخ، أحد المنتسبين إلى مهنة الطب، زورا وبهتانا، مش عاجبك الدعاء اللى قولته عن الوباء، ايه اللى عكننه.. ايه".
وتابع الجندي، خلال حلقة برنامجه "لعلهم يفقهون"، المذاع على فضائية "dmc"، اليوم الاثنين: "طيب انا شيخ ودى شغلتى ارشدك دينيا ماذا نفعل، إذا حدث البلاء، اوانا احترمتك كطبيب، وقولت ناخذ بالاسباب الطبية، انت بقى طبيب صنعت لنا ايه عمل مصل لعلاج الفيروس، احنا بنلجا إلى الله،بعدما ناخد بالتدابير و الأسباب، ايه اللى مضايقك".
واستكمل الجندي: "هذا الشخص لا يعجبه شيء، وليس صادق فيما يدعيه من تنوير والمسألة عنده شخصية، لا فالح فى الطب والدين، وعمال يهاجم ده وده، عامل زى النكتة بتاع الشخص اللى لا عايز يتعلم الطهارة ولا يطلع القمر زى الامريكان".