الفنان الشاب أحمد إبراهيم : الدكتور أشرف زكى موصى أن اللى هيشغلنى هيزعل منه..ويطالب شيوخ المهنة بالتدخل

أعرب الفنان الشاب أحمد إبراهيم ، عن غضبه وإستيائه لما تعرض له من قبل الدكتور أشرف زكى " نقيب المهن التمثيلية ، حيث نشر رسالة عبر صفحته الشخصية علي موقع التواصل الإجتماعي الشهير "فيسبوك" ، يعبر فيها عن سبب غصبه .
حيث نشر "إبراهيم" صورة له وأخرى للدكتور أشرف زكى وعلق قائلًا "ياريت اى حد حكيم من الوسط الفنى يقولى اتصرف ازاى مع الشخص إللى بيدير نقابة المهن التمثيليه النقيب اشرف ذكى ..للمره العاشره أو الحداشر حد يرشحنى لشغل والمخرج يقوله مش هقدر اشغل احمد ابراهيم عشان اشرف ذكى مايزعلش..طب معنى كده بقى ان الاخ النقيب موصى ان إللى هيشغلنى هيزعل منه وطبعا هو زعله وحش وناس كتيييير بلغونى ان اسمى بيترشح وبتشال من الشغل عشان اشرف بيه ذكى حاططنى ف قايمة المغضوب عليهم" .
وتابع "والسنادى بالفعل انا مشتغلتش خاااالص واستحملت عشان انا مش عاوز أوسع الموضوع بيوصلنى تحريضه عليا وبسكت وبتعامل بالقانون ف حقوقى .. لحد دلوقتى لا حس ولا خبر عن شقق النقابه وبقول بكره كل حاجه تتعدل .. شتمنى انا وزمايلى وسط المطبلتيه بتوعه ومارديتش اروحله واردله الشتيمه ف وشه وقلت راجل كبير وعيب تقل منه .
وأضاف :"يشتغل هو وعيلته واعضاء المجلس والمطبلتيه بتوعه ف كل المسلسلات وانا وغيرى قاعدين ف بيوتنا بنتفرج وبقول يمكن يشبعوا ويحسوا بينا" .
وإستكمل : "انا كده عدانى العيب وقذح الشخص ده بيمنع عنى الشغل والكل عارف انى موهوب .. طب المطلوب منى اعمل ايه .. انا مش هعرف اطاطيلك لان إللى مربينى راجل ومات ف بيته مش ف السجن ..ناس كتيييير اتدخلت وكلمته وهو رافض حتى مجرد ان حد يكلمه عليا .. ماهو كده بقى الموضوع استقصاد وقطع عيش وانا عندى بيت مفتوح ".
وإختتم : "اتمنى إللى يعرف شيوخ المهنه زى عادل امام ولا صلاح السعدنى ولا يسرا ولا المنتجين المحترمين يبلغهم ان اشرف ذكى بيضيع مستقبل شاب موهوب .. وانا اقسم بعزه وجلالة الله لحد دلوقتى بتعامل بكل أدب .. انما لما توصل لان شخص يتحكم ف اكل عيشى ورزق ابنى يبقى ياروح مابعدك روح..اللهم بلغت اللهم فاشهد..ياريت إللى بيعزنى يشير كلامى ده على أوسع نطاق عشان رسالتى الاخيره تكون وصلت وابقى عملت إللى عليا بالذوق".