فنان يهدد أشرف زكى عبر "فيس بوك".. إعرف التفاصيل

وجه الفنان الشاب أحمد إبراهيم هجوماً شديداً على الفنان أشرف زكى نقيب المهن التمثيلية بسبب ما يفعله تجاه من خلال التضييق عليه فى الانضمام لأى أعمال فنية، وذلك عبر صفحته الرسمية بموقع التواصل الاجتماعى "فيس بوك".
وكتب إبراهيم: "ياريت أي حد حكيم من الوسط الفني يقول لى اتصرف إزاي مع الشخص اللي بيدير نقابة المهن التمثيلية، النقيب أشرف زكي.. للمرة العاشرة أو ال11 حد يرشحني لشغل والمخرج يقول له مش هقدر أشغّل أحمد إبراهيم عشان أشرف زكي مايزعلش, بيوصلني تحريضه عليا وبسكت وبتعامل بالقانون في حقوقي، لحد دلوقتي لا حس ولا خبر عن شقق النقابة وبقول بكرة كل حاجة تتعدل، شتمني أنا وزمايلي ومرضتش اروحله واردله الشتيمة"، واستطرد: "أنا كده عداني العيب وقزح، الشخص ده بيمنع عني الشغل والكل عارف اني موهوب، طب المطلوب مني أعمل إيه.. ناس كتير اتدخلت وكلمته وهو رافض حتى مجرد إن حد يكلمه عليا، ماهو كده بقى الموضوع استقصاد وقطع عيش وأنا عندي بيت مفتوح".
وأضاف: "أتمنى اللي يعرف شيوخ المهنة زي عادل إمام ولا صلاح السعدني ولا يسرا ولا المنتجين المحترمين يبلغهم إن أشرف زكي بيضيع مستقبل شاب موهوب، وأنا أقسم بعزة وجلالة الله لحد دلوقتي بتعامل بكل أدب، إنما لما توصل لأن شخص يتحكم في أكل عيشي ورزق ابني يبقى ياروح مابعدك روح، اللهم بلغت اللهم فاشهد.. ياريت اللي بيعزني يشير كلامي ده على أوسع نطاق عشان رسالتي الأخيرة تكون وصلت وابقى عملت اللي عليا بالذوق".
يذكر أن أحمد إبراهيم شارك فى العديد من الأعمال الفنية كان أبرزها فيلم "الإرهابى" مع الزعيم عادل إمام، و"بونو بونو" ومسلسل "السقوط فى بئر سبع" و"عايش فى الغيبوبة".