إدوارد يتعافى من فيروس كورونا

أعلن الفنان إدوارد، عبر حسابه الشخصي بموقع التواصل الاجتماعي فيس بوك عن تعافيه من فيروس كورونا المستجد " كوفيد 19".
وكتب إدوارد منشورا يعلن فيه شفائه قائلا : الحمد لله يارب سلبي".
حتة من قلبي.. إدوارد يحتفل بعيد ميلاد ابنته عبر انستجرام
احتفل الفنان إدوارد، بعيد ميلاد ابنته ، ونشر صورة لهم عبر صفحته الرسمية على موقع التواصل الاجتماعي للصور والفيديوهات إنستجرام.
وعلق إدوارد، على الصورة قائلا: " كل سنة و انتي طيبة يا حتة من قلبي و اشوفك دايما ناجحة و مبسوطة في حياتك".
كواليس معاناته في أول يوم بعد إصابته بفيروس كورونا:
وكان كشف الفنان إدوارد، عبر صفحته على موقع التواصل الاجتماعي فيس بوك كواليس معاناته في أول يوم بعد إصابته بفيروس كورونا.
وقال إدوارد :"هحكيلكو علي أول ليلة مع الكورونا بما أنها أول مرة تجيلي وطلعت منها بايه، ليلة صعبة جدا تعب في الجسم ذي ما يكون حد بيعذبك وبيدوس علي كل حته في جسمك وصداع نفسك يغمي عليك عشان تخلص منه ورعشه فظيعة".
وأضاف: "وطول الليل بقول يارب مش هنكر في لحظة فكرت في الموت والناس اللي ماتت من الكورونا ، صدقوني ماخوفتش من الموت خوفت علي مراتي وولادي وعيلتي ، وانهم مسئولين مني ولازم ابقي موجود عشانهم ولازم اصلي لربنا عشان يقومني اكمل وحسيت اني فقدت شغف كل متع الحياه ".
تابع :"مش عاوز حاجه عاوز اكون كويس عشانهم بس انا من النوع اللي بحب الناس وبحب الحياه وبحب الاصحاب انبسط كتير اوي لما لقيت ناس كتير سالو عليا اعرفهم وماعرفهمش وعاوزين يساعدوني في محنتي باي شكل ومنهم فنانين كبار بجد و اعلاميين كبار".
وأشار: "ربنا يباركلكم في صحتكم وعيليتكم كمان اكتشقت قد ايه مراتي انا غالي عندها موش هممها كرونا ولا موش كرونا قاعده جنبي تعملي كل حاجه تريحيني قد ايه انتي ست عظيمه جالك كرونا ومقولتليش السنه اللي فاتت عشان كنت بشتغل وموش عاوزه تشغليني بيكي مكنتش عارف انها صعبه للدرجه دي بجد انتي جبل انكً استحملتي وكنتي واقفه كمان تخدمينا وتشوفي طلبتنا".
واختتم: "أنا آسف إني محستش بيكي في الوقت ده أوعدك أقوم وأعوضك عن كل ده الحياه موش مستاهلة غير إنك تعيش مع ناس بتحبها وتحبك وتخاف عليك دي الخلاصة إني فقدت الشغف في متع الحياة عاوز أعيش مستور أنا وعيلتي ويكون حواليه ناس بحبها وبتحبمي ونتمني لبعض الخير وبس في ليلة واحدة الدنيا علمتني كتير ربنا يبعد عنكم أي حاجة وحشة".