مها الصغير تكشف تفاصيل انفصالها عن زوجها أحمد السقا مرتين

قالت الإعلامية مها الصغير، زوجة الفنان أحمد السقا، أنها انفصلت عن زوجها مرتين ولكنهما عادا مرة أخرى، مشيرةً إلى أنها عانت خلال تلك الفترة بشكل كبير.
وقالت مها الصغير، خلال لقائها في برنامج CutheCrap عبر موقع فيديوهات القصيرة يوتيوب، إنها تجوزت وهي في العشرين عامًا وكانت مطيعة جدًا لكن هناك صراعا بداخلها دائما.
وتابعت مها الصغير: اتجوزت وأنا عندي 20 سنة وكنت صغيرة واطلقنا ورجعنا مكنتش قادرة استحمل الخلافات وكنت بسعى دايما لإرضاء الطرف الآخر لكن مبرضيش نفسي.
وأضافت مها: في ناس كتير مش عارفة إننا اتطلقنا قبل كده، ولما بقول كده الناس بتتصدم، مع أن في مراحل بيبقى أسلم حل هو الطلاق لينا ولعيالنا إن كل واحد يمشي.
واردفت مها الصغير: أنا في الأول كنت مطيعة جدا لكن كانت جوايا خناقة، عارفة لما تكوني بتحبي حد أوي فبتبقي ضايعة، كنت دايما بسكت علشان أتفادى الخناقات.
وتحدثت مها الصغير عن أسباب أول طلاق بينهما، قالت: كانت بسبب مشاكل كتير أوي أوي، فعملت وقفة لأني كنت بسعى لإرضاء الآخر دايما وفي الآخر محدش بيرضى وبيدوسوا عليكي أكتر، وده كان بعد ما خلفت أولادي التلاتة، ووقتها حصلت خلافات بيني وبين أبويا مع أنه كان هو اللي بيدعمني في البداية، لكن أنا اتطلقت لأني كنت فعلا بعاني.