هند صبرى تكشف كواليس خلافها مع منة شلبى: الناس بتوقع بينا

كشفت النجمة التونسية هند صبرى عن كواليس خلافها مع النجمة منة شلبى والتى استمرت لفترة حتى انتهت، مشيرة أنه عندما قدمت منة شلبى أثناء تكريمها وحصولها على جائزة فاتن حمامة في مهرجان القاهرة، الإدارة طلبت منها ذلك فوافقت على الفور.
وأضافت هند صبرى أثناء حلولها كضيفة في برنامج "معكم" للإعلامية منى الشاذلى، والمذاع على قناة Cbc : "أنا ومنة شلبى كان في مشاكل بينا زمان ومكناش بنطيق بعض، بسبب الناس اللى بتوقع بينا، لأن لما بدأنا طلعنا سوا في نفس الوقت زى منى زكى وحنان ترك زمان، وكنا بنسلم على بعض عادى بس بحرص شديد".
وتابعت هند صبري: "لما طلبنا محمد خان كان عاوزنا في فيلم سوا، روحنا له البيت كتعارف وسابنا قاعدين سوا في الصالون وقال رايح أعمل قهوة ومن هنا بدأنا نتكلم سوا وصفينا الموضوع ومن وقتها بقينا أصحاب أكتر بقالنا تقريبا 20 سنة".
واستكملت: "أنا مش وحشة في خصامى، ومعنديش الكيد ولا منة شلبى، وكنا وقتها عيال أوى ومحصلش خصام ولكن زى ما قلت كان في حرص وممكن يكون في قلق بنا وفى منافسة على أفلام وأدوار، ولما كبرنا فهمنا إن مفيش حد لو نجح هيخلى الثانى يخسر حاجة، والوسط الفني في صداقات وحب وفى برده ناس مش كويسة، وأنا اتعرضت للكيد زمان في بداية حياتى وكانوا بيقولوا عليا المغتربة".
وتصور هند صبرى حاليا مشاهدها الأخيرة فى فيلم "كيرة والجن" المأخوذ عن رواية "1919"، للمؤلف أحمد مراد الذى كتب السيناريو والحوار، وإخراج مروان حامد، وبطولة كريم عبد العزيز وأحمد عز وسيد رجب، مع أحمد مالك، على قاسم، هدى المفتى، محمد عبد العظيم، عارفة عبد الرسول، تامر نبيل، بالإضافة إلى مجموعة من ضيوف الشرف.