هل يوجد خلاف بين وفاء عامر وزوجها؟.. الفنانة تجيب

أثارت الفنانة وفاء عامر، الجدل خلال الساعات الماضية، بعد تصريحاتها عن الطلاق والخيانة الزوجية، مؤكدة أنها لن تطلب الطلاق أبدا، حتى ولو تعرضت للخيانة الزوجية، وقالت إنها ستكون السبب إذا بحث زوجها عن السعادة مع امرأة أخرى.
واوضحت الفنانة وفاء عامر حقيقة هذا الكلام حيث أضافت : "أنا واثقة جدًّا في جوزي ولم يحدث بينا أي خصم أو زعل إلا مرات قليلة ومش بننام إلا ومتصالحين".
وقالت عامر خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "لا يمكن محمد جوزي يخونني ولو حصل هيكون أنا السبب".
وتابعت وفاء عامر: "إهمال الست للراجل ممكن يكون السبب وراء خيانته له، وبقول للأزواج والزوجات اغفروا لبعض وطبطبوا علي بعض واللي يلاقي حد مخنوق أو متضايق يقف جانبه، وبقول للزوجة لازم تكملي ولو عندك أطفال لازم المسيرة تكمل بأي شكل من الأشكال".
وكشفت الفنانة وفاء عامر، خلال لقائها ببرنامج "الحكاية" الذي يقدمه الإعلامي عمرو أديب بقناة "mbc مصر"، عن رد فعلها حال علمها بخيانة زوجها المنتج محمد فوزي لها.
وأكدت وفاء عامر: "عمري ما هطلب الطلاق من جوزي محمد فوزي مهما حصل لأنه له في قلبي حاجات كتير تشفعله".
وتابعت: "لو خانني هبقى أنا السبب، وعمري ما أطلب الطلاق من جوزي لأنه له حاجات تشفعله.. لو الراجل خان الست طب هي السبب ومينفعش تفتش في تليفونه".
ودعمت الفنانة وفاء عامر شقيقتها آيتن بعد تلقيها تهديدات عبر هاتفها من أشخاص مجهولين من خارج مصر.
وكتبت وفاء عبر حسابها الشخصي بموقع التواصل الاجتماعي "فيس بوك" تدوينة قالت فيها: "مش بالتهديد يا رجالة ولا بالمناصب ولا بالفلوس.. البلد بلد قانون واللي معاه ربنا يمشي على المية".
ولم توضح آيتن عامر هُوية الأشخاص الذين يهددونها أو السبب وراء ذلك حيث كتبت أيضًا تدوينة قالت فيها: "هو إنتو مش قادرين تبعتوا لي رسايل التهديد من جوة مصر عشان عارفين إن ليها كبير وفيها قانون، فبتجيبوا أرقام من بره مصر تبعتوا لنا بيها رسايلكو الهبلة دي!!!!!".
وأضافت: "طيب يلا بينا بقى، البلد دي بلد قانون، واللي ماشي صح وليه حق حياخده لو كان عند مين، لا منصب بينفع ولا فلوس.. صوت الحق عالي ومسموع وحتى لو عرفتو تسكتو شوية ناس تمامهم فلوس في مش هتقدرو عليهم، وكله هيبان، والحق هيظهر هيظهر، اللي معاه ربنا بيمشي على الميا".