موسيماني: "واجهنا فريقا صعبًا.. لكننا تحكمنا في اللعب"

أبدى بيتسو موسيماني، المدير الفني للأهلي سعادته بالفوز الذى حققه فريقه على المقاولون العرب بهدف دون رد، في مسابقة الدوري المصري.
وقال موسيماني في المؤتمر الصحفي عقب المباراة: "الماتش صعب لأن الفرقة اللى بتلعب قدامنا كانت بتلعب هجمات مرتده خطره، حللنا ده واتفرحنا عليه وشفنا مباراة الذهاب، ودى نقطة قوة لديهم، لعبنا مش ممتاز لكن جيد، تحكمنا في المباراة طول الوقت، مخلقناش فرص كتير لكن تحكمنا في اللعب".
وتابع مدرب الأهلي الجديد: "عارفين وانا عارف ان في شغل كتير هيتعمل خصوصا في الدفاع، بالنسبة للشحات وكهربا، لعبت كهربا لانه بيعلب على الكرات الطويلة، وعلشان ياخد حساسية المباريات".
وأضاف موسيماني: "أحمد فتحي لعبته باك ليفت علشان خبرته ولعب كويس، وكنت قلقان ان يكون أيمن اتصاب والحارس الشناوي مهم بالنسبالنا اتمنى ميكونش إصابته خطيره".
وأكمل: "في الشوط الثاني اول ربع ساعه الأداء انخفض شوية، هشتغل على النواحي البدنية، لكن تفاجئت بان اللعيبة منخفضة بدنيًا رغم انهم مخلصين دوري".
وأردف: " هنتظر أشعة الشناوي ونشوف مدى إصابته، وهحاول افهم سبب كثرة الإصابات واللى اطلق عليها مستشفي الأهلي".
وأتبع: "فاضل ماتشين لسه هتكلم مع سامي قمصان ممكن اريح لاعيبة علشان احافظ عليهم، لكن هعمل توزان علشان الشكل يطلع كويس، والأهم بطولة أفريقيا".
وأوضح المدرب الجنوب أفريقي: "مكنتش متعصب على كهربا كنت بحاول احفزه فقط، خصوصا وأنه كان بعيد عن الملعب منذ فترة كبيرة".