منة فضالى توجه رسالة قاسية إلى أصدقائها.. إعرف السبب

وجهت الفنانة منة فضالى, رسالة قاسية شديدة اللهجة إلى أصدقائها المقربين وذلك بعد تعرضها خلال الأيام الماضية لوعكة صحية تسببت فى ارتفاع درجة حرارتها وفقدانها لصوتها, وذلك عبر صفحتها الرسمية بموقع التواصل الاجتماعى "فيس بوك".
وكتبت فضالي قائلة: "النهاردة أول يوم صوتي يبتدي يطلع وأقدر أتحرك كنت بموت بقالي يومين حرارتي مبتنزلش.. المهم الحمدلله إن الواحد كل شوية يتأكد إنه صح إن مفيش حاجة اسمها عشرة وعيش وملح أنا أعمل لغيري لكن غيري عمري ما حلاقيه جنبي إلا لو في مصلحة".
وأضافت منة: "المرض والموت نعمة من ربنا بيكشفلنا كل شوية ناس متستهلش حتى تبص في وشهم.. قليلين قوي اللي اهتمو يسألوا عليا وعلى صحتي لكن ال100000 اللي عندي واللي ملهومش أي لازمة غير انهم يتفرجوا عليا وفالحين بس يقولولي واو إيه الجمال ده ايه الطعامة والشياكة دي ناس منافقة كذابة حتعيشوا وتموتوا كده.. الحمد لله إني مش زيكم ولا حكون لأني بكل بساطة بحب الكل وبحب الخير للناس كلها، ومش حتغير بس مع اللي يستاهل وربنا كبير والدنيا عيشة وقتية الدوام لله".
وتابعت قائلة: "صحيح أنا ممثلة وبلبس لبس مش محتشم ساعات لإن ده شغلي.. بس كفاية إني مش بأذي حد ولا عمري شمت في حد, اتفرجوا عليا قوي واحقدوا أوي وغيروا أوي أوي بس عيشوا ضميركم مرتاح زيي لو عرفتوا.. طبعًا بعد البوست ده حلاقي تليفونات ورسايل بالهبل احب اطمنكم آخركم عندي إني أتفرج عليكم، كنت فاكرة إن الحب اللي بيكسر طلع في أهم من الحب العشرة والعيش والملح اللي متعرفوش عنه حاجة".