مي كساب تعلن مفاجأة جديدة تعرف عليها

أعلنت الفنانة مي كساب، من خلال حسابها الرسمي عبر موقع الصور الشهير "انستجرام" أنها تستعد لطرح أغنية جديدة في عيد الأم حيث قامت بنشر صورة جديدة لها وعلقت عليها قائلة: "طول عمري باخاف جدا اغني أغنيه وطنيه او أغنيه للام بأحس ان في عندنا في التاريخ الموسيقي أغاني مهما عملنا مش هتيجي أبدا في مستواها وطول عمري بأحب اغني كلمات مش معتاده وألحان سهله وبسيطة تتحفظ بسرعه من غير فزلكه".
وأضافت: "يمكن الحظ ما ساعدنيش أني اخد حقي كمطربه بس ده مش ذنبي للأسف احنا بنفتقد المنتج الموهوب الفنان المنتج اللي يهتم بموهبه حقيقية ويعرف يستغلها صح معظم او كل النجاحات اللي موجوده ع الساحه اجتهاد فردي بحت فاقد لروح وجهد المجموعة وده مش صح الفنان محتاج لمؤسسه تدعمه وتشتغل عليه وده اللي باتمناه وعندي أمل كبير جدا ان هيظهر المنتج الفنان وياخدنا علي حصانه الأبيض".
وأختتمت حديثها: "ولحد ما ده يحصل باوعدكم السنه دي ان شاء الله بأغاني غير معتاده ومفاجآت كتير ليه علي مستوي الغناء هابتديها معاكم باغنيه عيد الام اللي اول ما سمعت لحنها قولت لعزيز ايوه بقي يا بليغ أغنيه "حبيبه قلبي" كلمات وألحان عزيز الشافعي، توزيع وسام عبد المنعم، وهندسة صوتيه مصطفي رءووف، وانتاج لامب استديوز عزيز الشافعي قريبا".