مرتضى منصور: بقول لباسم أنت ناكر لجميل الزمالك عليك

شن مرتضى منصور، رئيس نادي الزمالك حرباً على باسم مرسي مهاجم الفريق الأبيض، بعد مماطلة اللاعب في التجديد للقلعة البيضاء.
وينتهي عقد باسم مرسي بنهاية الموسم الجاري، حيث يحق له التوقيع لأي نادي خلال فترة الانتقالات الشتوية الجارية.
وأكد خلال تصريحات تليفزيونية، قائلا "باسم مرسي بيلاعب نادي الزمالك، واللي بيقوله في البرامج ملوش علاقة بالواقع".
وتابع "أنا بقول لباسم أنت ناكر لجميل الزمالك عليك، وأنا مش صغير علشان تضحك عليا".
وأردف "لو مش هتكون معانا، هتدرب مع فريق الناشئين ومش هتلعب مع الفريق الأول".
وقال مرتضى منصور "أنا كنت جايبك من الانتاج الحربي بتاخد 50 ألف جنيه، وعملنالك عقد ب3 مليون جنيه، الخير اللي انت فيه ده كله من الزمالك".
واختتم رئيس الزمالك تصريحاته مشيرًا إلى أن باسم مرسي قام بإبلاغ إسماعيل يوسف مدير الكرة، بأنه لن يوقع على عقد إلا بنهاية الموسم الجاري.