بالفيديو .. عمرو أديب:حمدين يسافر السويد يسلم على الواحد اللى انتخبه

خلال تقديمه برنامج "القاهرة اليوم" الذى يذاع على قنوات "أوربت"، شن الإعلامي عمرو أديب، هجوما عنيفا على المرشح الرئاسي حمدين صباحي ، بسبب تصريحات حملته، أن أصوات المصريين بالخارج تحكمها المصالح، فرد أديب قائلا "حمدين يسافر السويد يسلم على الواحد اللى انتخبه".
وأضاف أديب في هجومه على عمرو بد المتحدث باسم حملة صباحي: " يا راجل اتكسف على دمك، دي نكته ده إحنا ننقلب على قفانا من الضحك، بيقولك حمدين عايز يروح يقطع تذكره يشوف الواحد اللي انتخبه في السويد، النتيجة تخجل يا راجل اتكسفوا عندكم فشل ذريع" على حد قوله.
وتابع "أديب": «لو الكلام ده مطلعش عليه اعتذار من حملة حمدين أنا مش هسكت، ده هبل وعته، متسائلا: «مين يعرف أنت مدي صوتك لمين؟، عيب أنتو كده بتهينوا المصريين وتعبهم". حسب تعبيره.
و أضاف : "عيب يا أخي هو اللي ميقفش معاك تهينه؟، ده لما مرسي كسب محدش مشى حد، متتكلمش كده على المصريين البلد قاعدة تنكت النهاردة يقولوا المركز الأول السيسي والمركز التاني الأصوات الباطلة والتالت حمدين، متتكلمش كده على المصريين، البلد قاعدة تنكت النهاردة يقولوا المركز الأول السيسي، والمركز التاني الأصوات الباطلة، والتالت حمدين"، على حد قوله.