حمزة نمرة يحتل المركز الأول فى يوتيوب موسيقى بأغنيته الجديدة "عالم كدابة"

تصدرت أغنية «عالم كدابة»، للمطرب حمزة نمرة تريند يوتيوب الموسيقي، واحتلت الاغنية المركز الأول في قائمة الأغاني الأكثر استماعًا وتداولًا فى مصر عبر موقع الفيديوهات الشهير «يوتيوب».

وحققت أغنية «عالم كدابة» ل حمزة نمرة نجاحًا كبيرًا، ووصلت إلى مليون مشاهدة خلال يومين فقط من طرحها، والأغنية من كلمات حسام سعيد، ألحان عمرو الشاذلي، وأحمد الشاذلي، توزيع وميكساج عمرو الخضري، جيتار مصطفي نصر، صولو أورج محمود شامي، ربابة أمير سرور، وإنتاج Namira productions.
كلمات أغنية عالم كدابة

شافوا عندي حاجة حلوة حبوا منها يخطفوا
قربوا مني زيادة وطبلولي وسقفوا
ولما أخدوا كل حاجة ومني شبعوا
واكتفوا.. اختفوا.. اختفوا
عيش وملح.. أصول وعشرة كل دول اتبخروا
واللي ياما جريت عشانهم عني هما اتأخروا
ده اللي يلقى واحد أصيل
في الزمان ده يقدّره ويبخّره ويبخّره
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة مين؟
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة وانتم ملاعيين
عندهم ميت ألف وش ووشهم ولا تعرفه
مقنعين جدًا وصعب حد فيهم تكشفه
كل يوم بيمثلوا وكل يوم بيألفوا
وبيحلفوا.. بيحلفوا
يضربوك في الضهر وأما يشوفوك يتبسموا
يدخلوا الدخلة اللي هيه ويفضلوا عليك يرسموا
عندهم عين لو تبص على الحجر دي
هتقسموا..وتسممه.. تسممه
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة مين؟
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة وانتم ملاعيين

تفاصيل عن ألبوم رايق

يقدم نمرة موسيقي مختلفة فى ألبوم «رايق»، وتتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت، ويتضمن الألبوم 13 أغنية وتم إصدار حتي الآن 10 أغنيات منهم، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».

المطرب حمزة نمرة
وأطلق حمزة نمرة مؤخرًا الأغنية الرئيسية للألبوم بعنوان «رايق»، وحققت الأغنية نجاحًا كبيرًا واحتلت قائمة الأغاني الأكثر استماعًا على اليوتيوب ومنصات الموسيقي، وتم تصوير فيديو كليب أغنية «رايق» في اليونان تحت إدارة المخرج مصطفى الصولي، والأغنية من كلمات الشاعر محمود فاروق، ألحان أندريه مينا وحمزة نمرة، وتوزيع وميكساج أندريه مينا.
ولاقت أغنية «مش سليم» إعجاب الكثير من جمهوره وتصدرت تريند يوتيوب الموسيقي واحتلت المركز الثاني في قائمة الأغاني الأكثر استماعًا وتداولًا في مصر، والأغنية من كلمات محمود فاروق، ألحان أندريه مينا وحمزة نمرة، توزيع وميكساج أندريه مينا، جيتار وعود حمزة نمرة، تنفيذ وتريات أحمد عاطف.
وحقق نمرة نجاحًا كبيرًا برابع أغنيات الألبوم «رياح الحياة»، ووصلت الأغنية ل 8 مليون و700 ألف مشاهدة عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.