محمود الليثي على أغنية "سطلانة": هنغني في فرح طاهر محمد طاهر ببلاش

حل صناع أغنية سطلانة ضيوفا على برنامج صاحبة السعادة الذي تقدمه الفنانه والاعلامية " إسعاد يونس"، المذاع عبر قناة dmc، كشفوا كواليس الأغنية وفكرتها، وذلك بعد أن أثارت جدلًا عبر مواقع التواصل الاجتماعي بشكل كبير.


صناع سطلانه: هنغني في فرح طاهر محمد طاهر ببلاش

وقال محمود الليثي: "إحنا الأربعة هنغني فب فرح طاهر محمد طاهر ببلاش علشان وشه حلو علينا، والأهلي كسب الوداد، النادي الأهلي الكبير بتاعنا، الماتش خلص، اللاعيبة خرجت من الماتش وراح أوضة اللبس وشغلوا سطلانة بالحظ، إحنا نمنا يوم الماتش، صحينا لقينا الأغنية تريند، وإحنا كسرنا المريخ.


محمود الليثي: نويل البلوجر عمل فيديوهات على سطلانة

وتابع الفنان محمود الليثي: نويل البلوجر عمل عليها فيديوهات، وفي فيلم تاج، والمنتخب القطري، ومنتخب اليد، وريال مدريد أطفال وشباب، ومانشستر سيتي، وأنا كان نفسي يبقى ليا أغنية عالمية، بالنسبالي سطلانة خليتنا دوليين، سطلانة الموقف ده إحنا في مستشفى مجانين، دخل علينا أوس أوس وعلي ربيع، وإحنا بنقول للناس جايبينا لينا إحنا مجانين.

محمود الليثي: قولت أغنية سطلانة هتكسر العالم

وخلال اللقاء، أعرب الفنان محمود الليثي عن سعادته الشديدة بنجاح أغنية سطلانة كما توقع، قائلا: توقعت أن الأغنية دي هتكسر العالم، ومكناش نعرف إنها هتضرب بالشكل الكبير ده، بينما قال الفنان عبد الباسط حمودة: قولت لليثي إني هجيب حمدي بتشان، وقولتله يارب يوافق، ولو مكنش وافق كنت هروح أجيبه من بيته.
أغنية سطلانة

ويذكر ان أغنية سطلانة قد تصدرت محركات البحث خلال الفترة الماضية، بعدما تصدرت احتفالات الأهلي بعد الفوز بدوري أبطال إفريقيا وظهور اللاعبين وهم يرددونها عقب الفوز أمام الوداد، كما وصلت مشاهدات الأغنية إلى أكثر من 7 ملايين مشاهدة على يوتيوب، وهي من كلمات مصطفى حسن، وتوزيع أماديو، وألحان كريم عاشور، وتعد سطلانة الأغنية الدعائية لفيلم بعد الشر، الذي طرح في موسم أفلام عيد الفطر 2023، وهو من بطولة الفنان علي ربيع، وعدد من الفنانين، أبرزهم الفنانة ميرنا نور الدين، ملك قورة، رنا رئيس، أوس أوس، عمرو عبد الجليل، بيومي فؤاد، شيرين، هالة خليل، سليمان عيد، وآخرين، وهو من إخراج أحمد عبد الوهاب.

كلمات اغنيه سطلانه

دكتور شوف لي تصريفة أبوس إيديك إكتب لي روشتة
أنا جوايا حتة نظيفة خذها ارميها في أي حتة
نفسي أقطعها نفسي أقلعها زي ما بقلع الجاكتة
وجيت أبيع حب ماحدش نفعني قفلت الدكانة
أووه سطلانة، سطلانة، لانة سطلانة
أووه سطلانة، سطلانة، لانة سطلانة
كنكة بن تفوقفني ما فوقتش
رشة ميّه تفتحني ما فتحتش
راكب دماغي ودايس ومزاجي في الطالع خالص
أسرع من صواريخ ناسا الواحد ياما قاسى
هبعد بعيد لأتعدي من الناس العيانة
أووه سطلانة، سطلانة، لانة سطلانة
أووه سطلانة، سطلانة، لانة سطلانة
والنبي تديني يا شيف حبة دلع في رغيف
علشان أشبع من الفرحة وأوفر المصاريف
والنبي تديني يا شيف حبة دلع في رغيف
علشان أشبع من الفرحة وأوفر المصاريف
عمالة الدنيا تلف، تلف ومرقصانا
أووه سطلانة، سطلانة، لانة سطلانة
أووه سطلانة، سطلانة، لانة سطلانة
كنكة بن تفوقفني ما فوقتش
رشة ميّه تفتحني ما فتحتش
راكب دماغي ودايس ومزاجي في الطالع خالص
أسرع من صواريخ ناسا الواحد ياما قاسي
هبعد بعيد لأتعدي من الناس العيانة
أووه سطلانة، سطلانة، لانة سطلانة
يا نفسي خليكي في نفسك يا إما حتبقي الغلطانة
ويا إحساساتي حفضل حابسك أحسن تجري ع اللي أذانا
خذت العلاجات وما خفتشي أعصابي تلفانة
أووه سطلانة، سطلانة، لانة سطلانة
يا بنت يا حب الحب يا قلب القلب يا نن العين
بحبك أكثر من الفاكهة ومن شنطة فيها ملايين
نفسي أشوفك لدلق عليكي وعليّ شوية بنزين
أصل أنا مجنون في حبك ودماغي تعبانة
أووه سطلانة، سطلانة، لانة سطلانة
أووه سطلانة، سطلانة، لانة سطلانة
من الناس العيانة