مني عراقي باكية: اتدمرت عشان قررت أعلن عن حياتي.. وولادي اتأذوا وحياتهم اتغلبطت

لم تتمالك الإعلامية مني العراقي دموعها أثناء الحديث عن زواجها الذي أعلنت عنه مؤخرا، إذ أكدت إنها لم تتزوج من الدكتور أيمن رشوان، كما انتشر خلال الساعات الماضية.

منى عراقي: اتدمرت عشان قررت أعلن عن حياتي الشخصية

وظهرت منى عراقي في بث مباشر لها عبر صفحتها الشخصية بموقع التواصل الإجتماعي "فيس بوك": إيه القرف اللي أنا فيه ده؟ كل دا بيحصلي ليه؟ أيه المهم في قصة جوازي وارتباطي أنا بقالي أكتر من يومين مش بنام ونفسيتي اتدمرت عشان قررت أعلن عن حياتي الشخصية، وأنا مش عايزة أتجوز في السر تاني خلاص ولادي كبروا أخبي ليه؟ وقالوا لي بلاش ترتبطي في السر، دلوقتي مفيش داعي.
مني عراقي: السؤال اللي دمر نفسيتي بقاله يومين هو سؤال الناس عن هويته

وتابعت: ولما حد كان بيسألني كنت بقوله هتجوز قريب، والسؤال اللي دمر نفسيتي بقاله يومين هو سؤال الناس عن هوية العريس، إنت مالك؟ أنا حرة أقول وقت ما أنا عايزة وحرة أقول مين، وإنت بردو أصروا يعرفوا وقولت لهم هعلن في الوقت المناسب عشان حياتي وحياته متبوظش.

واستكملت حديثها قائلة: وجه فرح وحضرت وروحت أسلم على أيمن رشوان والناس قالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم أهروا أنا متعودة مردش على الحاجات دي.

وأضافت: اللي عرفني الخبر صديقي، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن وبيسألوا اتجوزت مين، إنت مالك؟، خلصت القصة، يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا.
منى عراقي: ياما عديت أزمات صحية ونفسية ومحدش عبرني

وأعربت عن استيائها من تصدرها تريند مواقع التواصل الاجتماعي قائلة: أنا ياما عملت شغل ومحدش عبرني، وياما عملت نجاحات ولا حد سأل فيا، وياما عديت أزمات صحية ونفسية ومعنوية ومحدش قالي إنتي فين، ليه خبر جوازي يقلب الدنيا.

مني عراقي: أنا مش عايزة أقول هو مين

وانهارت منى عراقي، باقية في نهاية حديثها، قائلة: أنا مش عايزة أقول هو مين، وكل اللي يهمني أقوله إنه مش أيمن رشوان، وقُلت ده من ساعتها، إيه القصة؟ مين يجي يخلصني من التريند بتاعي ده؟ ولادي تأذوا وهو حياته اتلغبطت والله أعلم بحاله، والقصة تافهة.

مني عراقي

ومن ناحية أخري، علقت الإعلامية منى عراقي، على الاخبار المتداولة بشأن زواجها من الدكتور وأيمن رشوان، حيث قالت في مقطع فيديو عبر حسابها بموقع فيس بوك: مساء الخير قولولي مبروك، ما كنتش أعرف إن القصة ممكن تتنشر كل هذا الانتشار، آه اتجوزت، اسم يشرف أي حد، لكن لأسباب كتيرة ما حبناش نعلن عنه، واتوترتنا جدا لما لقينا الخبر اتسرب بالمنظر دا.

وتابعت: أيمن أنا أعرفه من زمان جدا، بينا كيميا، لما بنتقابل ما بنبطلش ضحك ورقص، ودايما كان سند، الوحيد اللي ممكن أقوله أعمل إيه، وهو يقولي أعمل إيه، لأني بثق فيه ثقة عمياء، لما الخبر انتشر أيمن كلمني وقاللي اتصرفي خليهم يشيلوا الخبر ده، قولتله هتصرف.