يراقب الأجواء من بعيد.. عصام كاريكا يوضح سبب بطئ خطواته الفنية

أكد الملحن والمطرب عصام كاريكا، أن خطواته الفنية بطيئة لأن الجو العام لا يناسبه، مشيرًا إلى أنه يراقب الأجواء من بعيد وينتظر الفرصة حتى يعود بقوة في الأغاني، لكنه يركز اهتمامه في الألحان الفترة الحالية إلى جانب طرح أغاني خلال فترات متباعدة مثل أغنية "يا زين العابدين" التي طرحها مؤخرًا.

عصام كاريكا

وقال عصام كاريكا في تصريحات صحفية: "بشوف اللي بيحصل في الوسط وبراقب علشان الجو مش مناسب، وأتمنى هوجة المهرجانات تخلص، وممكن تطلع موجة تانية تبقى جنب المهرجانات وتقلل حدتها زي موجة الراب اللي طلعت، ونفسي الحياة ترجع زي زمان من خلال اللحن والكلام الحلو لو رجعت أنا موجوة ولو ما رجعتش بتفرج من بعيد".
وأضاف كاريكا: "مش فارق معايا النجاح لأني شفت نجاح كبير وغيري ماشفهوش، وممكن تروح لغيري وترجع لي تاني، هي المزيكا كده بغنوة ترجع بطل الأبطال وفي نجوم اختفوا تماما وغنوة واحدة رجعتهم تاني راكبين، وأنا الحمد لله أنا مركز في الألحان".


وأضح عصام كاريكا أنه يركز على عمله ويبتعد عن التريند والسوشيال ميديا، قائلًا: "السوشيال ميديا مش بتعجبني وغيري بتناسبهم، والتريند بالنسبة لي أنك تعمل مصيبة، لكن أنا عندي تاريخ في الألحان مش عاوزة أبوظه وأعمل أرجوز".

عصام كاريكا عن البيزنس

وتحدث عصام كاريكا عن البيزنس والألحان، أكد إنه قرر الابتعاد عن التمثيل، قائلا: "محبتش التمثيل لأنه متعب ومجهد وبياخد من وقتي كتير ومفرغ وقتي للألحان، وبعد تجربة فيلم عاوز حقي، عرض عليا الباشا تلميذ وغبي منه فيه ولكني رفضت"، لفت كاريكا إلى أنه يحضر الفترة المقبلة لعمل ألحان وموسيقى تصويرية، لمسلسلات في رمضان.

عصام كاريكا

عصام كاريكا يهاجم حمو بيكا

ومن ناحية آخري، هاجم عصام كاريكا، مؤخرا مؤدى المهرجانات حمو بيكا، قائلاُ: "حمو بيكا مش مغني ومينفعش اتعامل معاه، ولكن محمد رمضان عنده فكر رغم إن أسلوبه مش غناء، وهو محدود في الأعمال التي يقدمها".
وأضاف كاريكا، في حوار مع الإعلامية مفيدة شيحة، مقدمة برنامج الستات، المذاع عبر قناة النهار وان، مساء اليوم الأربعاء، أن الغناء أثر بالسلب عليه، قائلا: "لم تكن لدي أي رسالة أقدمها في الغناء، وكل هدفي هو الوصول للشهرة"، أكمل: "معنديش رسالة في الغناء كان نفسي أبقى مشهور بس، ولما غنيت ضريت الملحن اللي جوايا، وفيه مطربين بطلوا يتعاملوا معايا".