مصطفى كامل: بتلقى تهديدات مباشرة من أعضاء بمجلس نقابة المهن الموسيقية

حل الفنان مصطفى كامل كضيف على برنامج "مسئوليتي"
وأدل من خلال البرنامج بتصريحات هامة تخص حياته الفنية والشخصية، كما عبر عن وجهة نظرها في أشياء مختلفة وصرح أنه يتلقى تهديدات مباشرة بسبب ترشيحة لنقابة المهن الموسيقية فقال: "وصلي تهديدات مباشرة من أعضاء جوا مجلس معلومين للجميع وللجميعة العموميه
وجايبين شركه جاردات وموضوع كبيره يوم الانتخابات، وأنا بوجه وبطالب بدعم وقوات أمن لإن فعلًا ووصلي تهديدات كبيرة ومينفعش أصرح بيها هنا وحاسس إن احنا داخلين حرب".
وصرح أيضًا أن هناك بعض الاشخاص يحاولون إشعال الفتن بينه وبين بعض الاشخاص في النقابة وقال: "في ناس بيحاولو يوقعوا بيني وبين ناس هناك في النقابة والكلام إلى بيقولوه بيوصلني"، كما وجه رسالة للجمعية العمومية وقال: "ورسالة مهمة الجمعيه العموميه الشرف والعدل والامانه هما دول شعاري وهما دول اللي هنسعى وراهم لمصحلتنا وبكدة كل حاجة هتتصلح وبالنسبة للمعاشات لازم أي حد متقاعد من النقابة يعيش حياة مستورة".
مصطفى كامل عن رأيه في نقابة المهن الموسيقية
صرح الفنان مصطفى كامل عن رأيه في نقابة المهن الموسيقية وقال أنها أن نقابة المهن الموسيقية مليئة بالفساد وأكد على حديثه أكثر من مرة وقال: "أنا معايا زميل نازل عضو في مجلس بالانتخابات عشان عارف ومتأكد أن النقابة فيها فساد وأنا ناوي أحارب الفساد بقوة لأن ربنا كريم والي هيساعدني في ده إني تربية ظابط جيش".
وتابع: وبصراحة ربنافي ناس محترمه ومش كل الناس عندها فساد والناس المحترمة كلها على راسي وانا ناوي اشتغل بالمجلس، وهشتغل كمان بالجميعة العمومية لما إن شاء الله توافق إنه ا تكون من اعضاء مجلس وميكونش فيها فساد بسبب الشلة والشلل إلى موجوده فيها".
آخر أعمال مصطفى كامل
يذكر أن آخر أعمال مصطفى كامل هي أغنية "زرعة خايبة" وهى من كلمات وألحان مصطفى كامل، وتوزيع وميكس ماستر كولبيكس.
كلمات الأغنية
ياللي دايما تغلطو في غيبتي
اوعو بس تغركم طيبتي
كل عاله تعال واتمنظر
بكره جاي على حجري بطريقتي
ياللي ياما في ظهري بتلكو
وبترغو وتهرو وتعكو
واللي يسمع اسمي يتزرزر
واللي سيرتي الحلوة بتشكه
خلو سيرتي سايبه ناركم ولعه قايده
خلو القساوة والعداوة بنا زايده
أنا من النهارده لحد اخر يوم في عمري
مفيش ما بنا لا تعازي ولا معايده
خلو سيرتي سايبه ناركم ولعه قايده
خلو القساوة والعداوة بنا زايده
شاهد عليا ربنا وسلمت أمري
ما دام عملت الخير كتير ومجاش بفايده
انتو ناس ولا ليكم لازمه
في حياتي وجودكم كان أزمة
وانا دايما كنت منكم حريص
ناس فالصو لا ديور ولا جوتشي
وتمنكم يدوب تمن كوتشي
تايواني من اللي سعره رخيص
انتو ناس من الاساس
زرعه خايبه وعايزه فاس
اشيل جدورها وحلغي دورها
واختار حبايبي ذهب وماس
خلو سيرتي سايبه ناركم ولعه قايده
خلو القساوة والعداوة بنا زايده
أنا من النهارده لحد اخر يوم في عمري
مفيش خلاص لا تعازي ولا معايده
خلو سيرتي سايبه ناركم ولعه قايده
خلو القساوة والعداوة بنا زايده
شاهد عليا ربنا وسلمت أمري
مانا عملت الخير كتير ومجاش بفايده