"خليك فولاذي".. تامر حسني يوجه رسالة عاجلة لفتاة لإنقاذها من الانتحار.. ما القصة؟

نشر الفنان تامر حسني عبر خاصية الاستوري في صفحته الرسمية على موقع إنستجرام فيديو لفتاة ويقوم بتشجيعها وتوجيه رسالة لها تحثها علي الصبر والتحمل.

وعلق تامر حسني، علي الفيديو قائلًا: " يا بسومة يا قمر لسه عارف قصتك أولًا ربنا يفرح قلبك انتي وجوزك العزيز اللي وشه مليان طيبة وبخصوص ألمك وتعبك اللي قريت قصته، يا بسومة كل واحد في الدنيا عنده اختبارات في الصبر والشاطر اللي بينجح فيها ربنا قال وخلقناكم في كبد يعني شقاء وتعب عشان الراحة المطلقة بتكون في الجنة بس وكل الناس في الكون عندهم مشاكل وتعب مش أنتي بس يا حبيبتي".

استوري تامر حسني

و أكمل نجم الجيل: "قولي الحمد لله عشان انتي رغم التعب أحسن من غيرك، قولي شكرًا يارب علي أي محنه وحوليها بقوتك وصبرك لمنحه تعرفي فيها ربنا اكتر، متقوليش ليه كدة يارب، لا قولي يا تري ايه الدرس اللي عايزني اتعلمه يارب، خليكي بطلة في قصة حياتك ومفيش بطل بييأس ويتهزم.. عمرك سمعتي عن بطل مفيش في حياته معاناة بالعكس كل بطل بيكون في حياته معاناة ومصاعب وآلام بيعديها ويوصل لحلمه حتي لو حلمه أنه يتصالح مع نفسه ويرتضي بما قسمه الله له... عشان خاطري قولي انا راضية واشكريه والله والله هو يستاهل الشكر والحمد في كل الحالات وأوعي تبصي لحياة ناس تانية تتخيلي أن معندهمش مشاكل لا خالص".

استوري تامر حسني

و تابع نجم الجيل: "مفيش حد مرتاح راحه مطلقة وخالي من المشاكل والمتاعب، الوحيد اللي هيكون مرتاح هو اكتر الناس إيمانًا وارتضاءً بقضاء وحكم ربنا، سلميله من قلبك واحمديه علي الموجود والمش موجود عشان كان ممكن المش يكون اكتر واكبر من كده... بصي للي حياتهم أصعب وشاكرين وحامدين ربنا... بسوم يا قمر اضحكي وافرحي ربنا بيحبك وبيطبطب عليكي بطريقته لازم تفهمي كده وأنا مين حرك قلبي وخلاني اكتب كل الكلام ده".

استوري تامر حسني

وأضاف نجم الجيل: "رغم اني معرفكيش وأول مره اسمع قصتك وكمان عايشة في اخر بلاد الدنيا فكرتي ؟ مفيش غيره ربنا الوحيد اللي مطلع علي قلوبنا كلنا وبيسخرنا لبعض في لمح البصر زي ما كنتي من شوية بتقولي بفكر انتحر وبتبكي وأنا واثق أن حالك اتبدل وانتي دلوقتي مبسوطة أو ي، وكلامي ليكي وكل حد شبه حالتك ياريت ياخد الكلام علي نفسه ويقوي نفسه بيه، جايز طلبك أني اكتبلك اللي في قلبي من تشجيع يفيد ناس تانية وتبقي انتي كمان سبب في ناس كتير ممكن الكلام يلمسها وحالهم يتبدل، ربنا يحميكي يا بسوم وينصرك ويبعد عنك أي فكر مش سليم ويقويكي علي صراع الدنيا وأفكارها.. وخليك فولاذي يا بطل، اسمعي مش تمثال وشوفي فيلم مش أنا، واسمعي أغنية الموضوع فيك "

استوري تامر حسني

واختتم نجم الجيل كلامه قائلًا: "وكفاية فرحة قلبك بعودة زوجك الفاضل من الرحلة الصعبة دي الله كريم، يارب تكوني فرحتي دلوقتي".

تامر حسني