شاهد.. تفاصيل صادمة يكشفها صديق القبطان المصري المفقود في المحيط الهندي

كشف مصطفى طارق، صديق القبطان المصري المفقود تفاصيل آخر مكالمة جمعته بصديقه سامح قبل اختفائه منذ 8 أيام وعدم معرفته لأي أخبار عنه.
وقال "طارق" في اتصال هاتفي ببرنامج "التاسعة" المذاع على "القناة الأولى المصرية" اليوم الجمعة: "سامح أتخرج من الأكاديمية الأردنية البحرية وهو كان على متن السفينة للعمل".
a href="/4470937/مناشدة-عاجلة-من-شقيقة-القبطان-المصري-المفقود-عايزة-أخويا-عايش-أو-ميت-فيديو" title="مناشدة عاجلة من شقيقة القبطان المصري المفقود: " عايزة أخويا عايش أو ميت" (فيديو)"
مناشدة عاجلة من شقيقة القبطان المصري المفقود: "عايزة أخويا عايش أو ميت" (فيديو)
أول تعليق لشقيقة القبطان المفقود بالمحيط الهندي
أول رسالة من سامح
وأضاف "أول رسالة ليا كان سامح بيقولي أن المركب اتخرمت وفيه مشكلة وأنا مستني الفرج وأنا هروح المالديف علشان اصلحها وبعدها بعتلي رسالة يوم 11-6 أنا بموت يا مصطفى ولو حصلي حاجة هتلي حقي".
وتابع "هو بعت فيديوهات لسامح العيسوي وهو صديقنا أيضًا لأنه هو اللي كان المتاح والمركب بتغرق وقالي نزل الفيديوهات على رابطة البحارين المصريين وبعدها سامح اتصل بوالدته وقالته لا متنزلس حاجة علشان مش يحصله مشكلة".
صاحب السفينة رفض يوقفها في أي ميناء
واستطرد "هو قال محدش يجيب سيرتي وكان فاقد الأمل في كل حاجة وصاحبها عايز كده ومكنش عايز يوقفها في أي ميناء علشان مش يخسر التأمين، سامح كأنه كان محبوس والقبطان مكنتش عايز ينزله رغم أنه نزل مهندس كان معاه وزميل آخر له في المالديف أثناء تصليح السفينة".
وأردف "صاحب السفينة مشي وقال هالتولي السفينة على قناة السويس والسفينة من الأساس لا تصلح للإبحار لأن العواميد فيها لا تصلح وهي كانت محملة بالحديد وصاحبها اشتراها من اليابان ب750 ألف دولار، وإحنا تواصلنا مع وزارة الهجرة ولكن محدش رد علينا حتى الآن والقبطان اللي رجع قال أن سامح وقع من المركب ومعه صاحبه ولكن كان يرتدي السترة الواقية".