نجيب ساويرس يحقق حلم طالب بالثانوية العامة: "ابعتلي رقم تليفونك"

طالب بمدرسة الوسام الرسمية لغات بمحافظة الجيزة، بالصف الثالث الثانوي، اسمه عمر سليمان، تم تحقيق حلمه فى الالتحاق بجامعة النيل عبر تغريدة له على تويتر، حيث قال فيها موجها حديثه لرجل الأعمال نجيب ساويرس: "تدينى منحة لجامعة النيل ولا ادخل تجارة؟"، ورد عليه ساويرس قائًلا: "ابعتلى رقم تليفونك".
يقول عمر سليمان أنه فى الصف الثاني الثانوي وكان حاصل على مجموع 91%، متابعا: "أنا بشتغل بقالي 3 سنين في مجال الComputer Science، أنا كنت خايف إني مجبش مجموع في ثانوية عامة يؤهلني إني ادخل حاسبات ومعلومات".
وأضاف عمر سليمان ل"الفجر": "كنت أبحث عن حل بديل بدلًا من الدخول لكلية أخرى مجبر عليها وفي نفس الوقت ادرس علوم الحاسب بطريقة أكاديمية أكتر بعيداً عن الself-learning".
وعن نظام الثانوية الحالى قال: "ونظام الثانوية العامة الحالي مش فاشل بس مش بيقيم صح، فيه ناس مواهبها بتتدفن بسبب التنسيق وبسبب، وفيه اللي بيدخلوا كليات ميستحقوش يدخلوها وفي الأخر يعكوا فيها زي ما واحد كان نفسه يدخل هندسة ملحقهاش قام دخل حاسبات عشان هي الكلية التانية في ترتيب التنسيق يعني فا بيدخل اي حاجة قريبة من مجموعه".