عاجل.. السيسي: "مع الوقت الناس هتعرف اللي بيتعمل هيودينا لفين".. وتحذير شديد لهؤلاء

افتتح الرئيس عبد الفتاح السيسي، مشروعات محاور النيل والطرق والكباري المنفذة بواسطة الهيئة العامة للطرق والكباري وإدارة المهندسين العسكريين، والتي تشمل: محور طما (أسيوط / سوهاج)، وكوبري قوص بقنا، وكوبري برج العرب، وكوبري بلطيم.
كما شهد الرئيس، افتتاح المرحلة الأخيرة من الطريق الدائرى الإقليمي القوس الشمالي الغربي.
وشهدت فعاليات الافتتاح، عرض فيلم تسجيلي بعنوان "طريق المستقبل" عن مشروعات الشبكة القومية للطرق.
ووجه الرئيس بتعويض من تم نزع ملكيته ضمن المشروع، قائلًا: يجب تعويض الأشخاص الذين تم نزع ملكية الأراضي منهم تعويضا مناسبًا.
وأضاف الرئيس: "مناطق النزول والصعود للطرق الدائرية لو تركت بهذا الوضع فلن يتم السيطرة عليها خلال 5 سنوات، ولذا لا بد من تعويض الناس وإزالة كل ذلك، وأن يتم التخطيط بشكل جيد، لتجنب النمو العشوائي بجانب الطريق".
ووجه كلمته لرئيس الهيئة الهندسية للقوات المسلحة، قائلًا : "ياكامل أرجو نخلص الموضوع ونعوض الناس".
وقال الرئيس السيسي، إن مشروعات البنية الأساسية التي تنفذها الدولة تضعها على خريطة الاستثمار الدولي، حجم المطلوب لرفع كفاءة الطرق والكباري في المحافظات من تمويل مالي ضخم جدًا.
وحذر الرئيس السيسى، من خطورة التعدي على الأراض الزراعية، قائلًا إن التعدي على الأراضي الزراعية أمر منتشر في مختلف أنحاء الجمهورية ولا بد أن نعي خطورة ذلك.
وواصل الرئيس: "ادرسوا الموضع لمواجهة النمو العشوائي، وهذا الكلام لجميع الوزارات.. أنا بتكلم عشان بلدنا.. وعشان نوفر الصرف الصحي وشبكة الكهرباء والطرق، ومش هينفع نعيش كدا.. الكلام للدولة والمحافظين والداخلية والقوات المسلحة والإسكان. مش هينفع نعيش وننمو بالشكل مع كل الجهد الذي نقدمه.. ولو الأمر تطلب عمل مبانٍ داخل القرى، فلنأخذ المبادرة ونعمل حساب الطرق والمياه ونعرض الأمر على الناس".
وأردف: "التعدي ده موجود على معظم الأراض الزراعية في مصر، ولو أي حد خد طيارة ولف على الأرض الزراعية سيجد حجم تعدٍ غير طبيعي، رغم وجود شبكات الري والصرف التي تصل تكلفتها للمليارات.. نحن نفقد أجود أنواع الأراضي".
وطالب الرئيس، كلا من وزير النقل والمواصلات هشام عرفات واللواء كامل الوزير، رئيس الهيئة الهندسية للقوات المسلحة، بإدخال بعض التعديلات على الكوبري لمعالجة أحد الأخطاء.
وأكد ضرورة رفع كفاءة شبكات الطرق في مصر، قائلًا إن "شبكة الطرق بالمحافظات تتطلب رفع كفاءتها وإلا أبقى أنا مش واخد بالي.. أنا واخد بالي كويس.. ولو بنتكلم على إن رفع كفاءة شبكة الطرق داخل المحافظات تتطلب 16 مليارا، فاحنا عاوزين أكتر من الرقم ده مرة واتنين وتلاتة، حتى يجد المواطن طريقًا مناسبًا.. ودا مش موجود.. ولو قلتوا لي موجود هبقى سعيد"، فيما قال أحد المواطنين إن الطرق متهالكة، ليعلق الرئيس:"متهالكة يعنى عدمان بالعافية وأنا بقول الكلام ليكم كلكم.. إحنا واخدين بالنا .. بس حجم المطلوب لرفع كفاءة هذه الطرق ضخم جدًا".
وأشار إلى أن حجم المطبات الصناعية الموجودة بالمحافظات معيق للحركة ومؤذٍ لأن مواصفاته غير جيدة، معقبًا :"تكلمنا قبل كدا عن مسابقة للجامعات والمدارس قبل العام الدراسي الجديد".
وأردف أن المحافظين "هيقولوا لي هنجيب فلوس منين، طيب وأنا بجيب فلوس منين؟.. طيب اللي بيتعمل ده منين؟.. كل ما نقوم به في شبكة الطرق ليس بجديد، ولم نخترع العجلة، وفيه ناس كانت بتشتغل قبل مننا بس الفكرة هيتعمل إزاى ويتصرف عليه إزاي؟.. إحنا معانا فلوس زيادة فبنعمل طرق؟.. إحنا عاملينها عشان المسابقات؟.. لا عشان ناخد مكانًا بين العالم المتقدم ولإعلان قدراتنا في الاستثمار، وسمعنا كلام كتير خلال ال5 سنوات الماضية لكن عارفين إنه مع الوقت الناس هتعرف اللي بتيعمل هيودينا لفين، وسيعرفون إذا كان ما كان ذلك أو حاجة ضرورية لخلق فرص عمل لعدد سكان وصل ل 100 مليون".
وأكمل أننا "نحتاج داخل المحافظات لعمل مسابقة للطرق ونأخد 3 أو 6 شهور ونشوف المحافظات هتساعد نفسها ازاى عشان يعرفوا إن مفيش حاجة بتتعمل كدا، وكل واحد يعرف هو فين من الطرق، ولو قصرنا.. أنتوا كمان هتقصروا مع محافظتكم؟".
فيما قاطعه أحد الشباب قائلًا: "أهالي قنا يبعثون لك بالتحية"، فيما قال الرئيس: "لو عاوزين تحيونى ارفعوا كفاءة شبكة الطرق بتاعتكم".