أشاد السيناريست والمخرج خالد دياب بالفنانة مي كساب التي شاركته في فيلمه الأخير "طلق صناعي"، مثنياً على ادائها والذي اعتبره طبيعي وليس تمثيل، لافتاً إلى أنه حزين لحذفه مشاهدها لها بسبب اختلاف شكلها اثناء فترة حملها. وكتب خالد عبر "فيس بوك": "مي كساب ما بتعرفش تمثل ... عندي التمثيل ان الممثل ما يمثلش.. انه يبقي طبيعي وهي دي مي كساب طبيعية ما بتمثلش (طبيعية ما بتعرفش تمثل). وأضاف خالد: "مي دورها كان كبير جدا في طلق صناعي يليق بقيمتها و نجوميتها لكن دخل علينا موسم رمضان و الممثلين دخلو مسلسلات فإتأجل تصوير الفيلم و مي كانت حامل فصورت مشاهد ليها وهي حامل في الشهر التاني و مشاهد وهي في السادس و مشاهد في التاسع -ربنا يخلي بنتها- فنتيجه لما يسمي الراكور اللعين واجهنا مشاكل .. انا كنت شايف ادائها هايغطي علي الراكور بس كان في مشاهد واضح فيها جدا اختلاف الشكل فشيلت من مشاهدها وأنا بجد بتقتطع". وتابع: "وانا بتفرج علي الفيلم وسط الجمهور في مصر و دبي كل ما مي تتكلم الناس تضحك فانا اقول لواحد من صناع الفيلم هو مكانش ينفع اسيبلها مشهد او اتنين كمان ! يقولي الراكور يا استاذ... فعلا انا و الناس كان نفسنا مي تبقي اكتر في الفيلم بس عزائي الوحيد ان كل مشهد ل مي في الفيلم الناس بتموت من الضحك خصوصا البنات و الستات معرفش ليه!". واختتم: "مي قلبها ابيض بجد ما زعلتش و ساندت الفيلم لغاية آخر دقيقة و جت العرض الخاص هي و جوزها أوكا الي سعيد انه جه، مي بجد أنا اتشرف اني اشتغلت معاكي و أحب جدا نشتغل مع بعض تاني :)". "طلق صناعي" من تأليف الثلاثي محمد وشيرين وخالد دياب، وبطولة الفنانة حورية فرغلي، وماجد الكدواني، بيومي فؤاد، سيد رجب، مصطفى خاطر، مي كساب، وإخراج خالد دياب.