ليست لخدمة الوطن.. الترشح للرئاسة "سبوبة" للدكتورة الراقصة منى برنس (صور)

في مفاجئة للرأي العام أعلنت الدكتور مني برنس، الملقبة ب"الدكتورة الراقصة"، ترشحها لانتخابات الرئاسة 2018، ودشنت صفحة عبر موقع التواصل الاجتماعى "فيس بوك"، تحت اسم "منى برنس رئيسة مصر 2018"، كما دشنت هاشتاج حول نفس الموضوع.

وأوضحت أن هذه الصفحة قديمة وإعادت استخدمها مرة أخري، قائلة: " أنا رشحت نفسي سنة 2012، ودي الصفحة القديمة محتاجة أعمل لها تحديث، مكنتش عايزة أبدأ دلوقتي، بس يلا بقي، المعلومات الشخصية قديمة شوية، بس المبدأ واحد".

برنامج منى برنس الانتخابي
كما حددت البرنامج الخاص بها والتي تنوي الإعتماد عليه حال فوزها بالإنتخابات، فقالت: "بالعلم والفن والحرية هترجع شمسك الذهب تاني يا مصر.. ويرجعوا المصريين شعب منتج ومساهم في الحضارة الإنسانية"، مضيفة: "عشان أكون أمينة.. ما اقدرش اوعد اني هحل مشاكل مصر والمصريين في سنة ولا اتنين ولا عشرة".

وتابعت: "التغيير الحقيقي بياخد وقت، بس أوعد اني هجتهد واشتغل مع الشباب الكفء وإننا نحط الأساسات السليمة لبناء الدولة المصرية الحديثة، وكذلك إعادة الهوية المصرية للمصريين في الأربع سنين".

وأردفت: "أكيد مش هطالب بمدة تانية من مبدأ تداول السلطة ولاني هبقي عايزة اعمل حاجات تانية في حياتي غير العمل العام اللي هيلغي تقريبا حياتي الخاصة، ولأني شخص مرح بطبعي وبحب الحياة.. فهبقي ريسة دمي خفيف هدلع الشعب من باب.. لاقيني ولا تغديني.. أنا واضحة".

الترشح للرئاسة "سبوبة"
ولكن سرعان ما ظهرت نية منى برنس من وراء الترشح لإنتخابات رئاسة الجمهورية، حيث تمثلت تلك النية في إعتبار منى برنس الإنتخابات الرئاسية "سبوبة" لجمع المال بعد أن اشترطت تقاضي أمول للظهور في البرامج الفضائية كمرشحة محتملة لرئاسة الجمهورية.

فبعد أن أعلنت "برنس" نيتها للترشح للرئاسة، تلقت عدة مكالمات لإجراء أحاديث صحفية معها، وهو ما دفعها لكتابة تدوينة على صفحتها الرسمية على موقع التواصل الاجتماعي "فيس بوك"، أظهرت إعتبرها الإنتخابات "سبوبة".

وقالت الدكتورة الراقصة: "أنا مش هتكلم مع الإعلام إلا في الوقت اللي يناسبني..مافيش داعي للرسايل بتاعت، انا فلان من قناة علان ومحتاج اتكلم معاكي..أنا مش محتاجة اتكلم مع حد.. اللي عندي بكتبه ع الصفحة. تمام".

وتابعت: "تاني هام.. مش هطلع علي اي فضائية من غير مقابل مادي.. خلص بقي وقتي أبو بلاش ده، وخلص الناس تعمل شغل علي حسي و سمعتي و وقتي.. وأنا اللي هختار برضه اتكلم مع مين وعلي انهي قناة.. ودي مش ألاطة مني ولا حاجة بس دة حقي".