ابنة محمد كامل تنعى والدها برسالة مؤثرة

نعت ابنة الفنان الراحل محمد كامل والدها الذي وافته المنية أمس الأول فى رسالة مؤثرة كشفت فيها عن اللحظات الأخيرة ومعاناته مع المرض، وتعلقها الشديد به.

وقالت الابنة في رسالتها: "راح حبيبي حبيب عمري وسابني وانتقل لمكان أجمل..راح اللي رباني واللي كان بيتعب علي تعبي..راح اللي روحه متعلقه بروحي اللي رباني وحافظ علي راح اللي حماني حمايتي في الدنيا وسندي في الحياة، ولا حد هيعوضني طيبته وحنانه اتعلمت منه الطيبة والحنية، وعلمني حاجات كتيير أوي وأنا عمري ما أنسي كلامك قبل ماتمشي وتسبني بليلة واحدة بس، قالي " إن ربنا هيكرمني دنيا وآخره تصبحي علي خير دنيا وآخره "ومسك إيدي وباسني كان عيد ميلاده 22/10 وسألته أجيبلك إيه قالي مش عاوز حاجه أنا هبقي 68 أنا أول ما امشي من هنا هعمل عمرة، حبيبي أتمني تكون اتكتبتلك، وأنا بنفسي هعملهالك زي مانت محرمتنيش من أي حاجة أنا كمان مش هحرمك وهوهبلك حاجات كتير تنفعك أنا اللي مصبرني أني متأكدة من مكانتك لأني عارفه مكانة المبطون عند ربنا، وكانت آخر نظره ليا شوفت وشك بيضحك ودا اللي أكدلي إنك في مكان أحسن بكتير، واللي مصبرني إن الناس شيفاك فيا ودايما يقولو حبيبه محمد حته منه، وانا لاخر نفس فخورة بيك وهفضل ماشية علي حسك وانت بالنسبه ليا اسم علي مسمي محمد كامل.. كامل في الطيبة والحنية وكله يشهد لك كان نفسك تفرح بيا دايما وانا دايما هخليك تبقي فخور وتفرح بيا في مكانك، وانا مهما اكتب مش هقدر اوفيك حقك، وانت في رحلة بس بعيدة ويوم من الأيام هنتقابل مع السلامة يا حبيب عمري.

وكان الفنان محمد كامل قد وافته المنية صباح الثلاثاء بعد مشوار طويل من الفن قدم فيه أكثر من 70 عملا ما بين سينما ومسرح وتأليف.