مصطفي بسيوني يكتب: "حرف حب"‎

"حرف حب"
نفسي الحروف يوم تنصفك
لو جت في لحظه ترسمك
علي شكل طفله م السما
نفسي الحكايه تجسدك
زي الملاك
جناحاته فارده في السما
تشبه سحابه مضلله
علي قلبي من حر الطريق
اه لو في يوم يجمعنا ليل
او حتي تتلاقي الصدف
انا نفسي فعلا اوصفك
خايف حروفي لتظلمك
عن نفسي ممكن أحسدك
لو ليله جيتلك في المنام
اه لو تقرب خطوتك
انا كنت ه اشرب من عيونك
واتسطل ...
كفك كتاب
مفتوح علي قلبي الصبي
موصوف في علم الاوليا
والادوية
والمجذوبين
والمجنونين
والمحرومين
والمغرمين
والمشتاقين نور القمر
حضنك جناين مثمره
سيال يا ريق المجرمه
بعّطش ساعات
ضميني يمكن اتروي
لو جيت لحضنك هترمي
مطلوب لحضني تسلمي
العبقرية في قلبها
او لمسه واحده بكفها
او كحل عينها اما اترسم
لخبط كياني اللي اتهزم
قدام عيونها المجرمه
انا مش هطول في الكلام
يمكن حروفي تنصفك
او حتي توصف جوهرك