القرموطي يشكو ل السيسي من ركوب المترو: "الأزمة فينا ياريس مش فيك"

قال الإعلامي جابر القرموطي، إن كل تصريحات الوزراء "بكش"، لافتا إلى انه حينما يستقل مترو الانفاق يعاني معاناة شديدة، موجها حديثه للسيسي: "انا بقيت مشهور واتخفيت عشان اركب المترو وعلشان قصير انا وشي في صدر الراجل اللي قدامي وبروح معاهم وباجي معاهم ومش عارف انزل محطة مترو من اللي كنت عاوزهم".
وأضاف "القرموطي"، خلال تقديمه برنامج "مانشيت"، المذاع على فضائية "اون تي في لايف"، الخميس، أن عربات المترو ليس بها أي وسائل تهوية أو تكييف، قائلا: "قالولنا هيجيبوا 200 عربة مترو ولكن اللي جه 30 عربة بس والباقي اتحطوا في الجيب ياسيادة الرئيس.
وتابع: "ياريس فيه مسئولين كتير ياريس بتلاعبوا على القانون والمسئولين دول لازم يكون عندهم دم شوية وهما واحنا جزء من الأزمة ياسيادة الرئيس وليس انت ياريس"، متابعا: "ربنا يعينك ياريس على الفساد والمحسوبية لدى المسئولين اللي عندهم ورث فظيع في الفساد".