محمد سعد لهيفاء تسمحيلي أشيلك.. وهى ترد: مش هتقدر عليا

أستضاف النجم محمد سعد، الفنانة هيفاء وهبي، في أولى حلقات برنامجه الجديد "وش السعد"، وقدم لها وصلة غزل كبيرة، خلال إطلالتها فقال: "تسمحيلي أشيلك وأقعدك على الكرسي، فرفضت، قائلة له مش هتقدر عليا، فقال: ده أنا بلفح العجل على كتفي مش هشيلك إنتي، إنتي عزبة، وأنا بفهم في اللحم كويس.

وتابع، عليا الطلاق إحنا ما شوفنا حريم قبل كده، دايمًا بيسلمونا النيجاتيف، فقالت له، هو إنت بجد، فرد، أومال جرافيك، إنتي اللي مش جد خالص إنتي وهمية إنتي خيال، هتخلينا نروح البيت كإننا داخلين على كمين، فقالت له إنت مين، فرد، أنا صاحب القناة، فقالت يعني إنت معاك شوية فلوس قال وصحة، وهوريكي ساعة الحاجات دي هبقى عامل إزاي، وقال لعامل معه في البرنامج، شدْ سكينة النور وأخلع أنت، عليا الطلاق ما هتخرج من هنا، أنا هدبح لوحدي.