شارك الإعلامي الساخر باسم يوسف، في الهاشتاج المتداول عبر "تويتر" - "انا_شاركت_في_ثورة_يناير"، قائلاً: "هاشتاج اتمنى اننا نستغله بشكل مختلف، نفتكر فيه الناس اللي اتحبست بسبب الثورة اللي احنا فخورين بيها رغم الاخفاقات". وأضاف "يوسف"، في عدة تغريدات عبر موقع التواصل الاجتماعي "تويتر"، الأحد؛ "الكام يوم الجايين قررت استخدم الحساب ده لنشر قصص المعتقلين ظلما والمختفين قسريا او المحبوسين بتهم عجيبة.. من واجبنا نفتكرهم كلهم سواء كانوا" -على حد قوله -. وتابع؛ "كانوا معتقلين مشهورين اعلاميا او ماحدش اتكلم عنهم كتير.. عشان كده على هاشتاج #انا_شاركت_في_ثورة_يناير ابعتوا لينكات لقصص الأبطال دول وياريت تكون لينكات شارحة القصة كاملة.. تعالوا نفتكرهم من علاء لماهينور لدومة لأحمد سعيد لمختار لاسراء لمحمود محمد". وأردف الإعلامي الساخر داعيًا متابعيه على صفحته الشخصية قائلاً؛ "عشان يتم التركيز على القصص يا ريت نستخدم هاشتاج #افتكروهم مع #انا_شاركت_في_ثورة_يناير عشان نركز الضوء عليهم.. مش مجرد أسماء قصص".