أشرف السعد ل "الإخوان": "أدعوا عليا زى ما دعيتوا على السيسي"

دعا أشرف السعد، رجل الأعمال المصري، والمقيم في لندن، جماعة الإخوان، اليوم الإثنين، لتنظيم حملة للدعوة عليه حتى ينجح في مشروع له - على حد قوله.

وكتب "السعد" على صفحته الشخصية على موقع التوصل الاجتماعى "فيس بوك" قائلاً: "إن الإخوان عندما قاموا بالدعاء على عبد الفتاح السيسي، أصبح رئيسًا لمصر، وفي سخرية واضحة، "يارب خلي الإخوان يدعوا عليا زي ما دعوا عالسيسي.. مش عارف إيه حظي المهبب ده.. أنا أهاجم الإخوان بشراسة وهما يدعوا عالسيسي لحد ماخلوه رئيس مصر فهل هذا من العدل.. ألا استحق منهم شوية دعاء عليا.. أنا لا أطالب أنهم يدعوا عليا عشان أكون ملك ولا رئيس أنا كل اللي طالبه منهم شوية تركيز صغننين عشان داخل مشروع ونفسي يكمل".

وأضاف رجل الأعمال: "مشروع ياجماعة مشروع.. لا أنا طمعان في سلطة ولا حكم.. أليس فيكم رجل رشيد يتزعم حملة للدعاء عليا ولو يومين.. حرام عليكم والله السيسي خلاص اخد حظه من الدنيا على ايدكم.. اعتبروها صدقة جارية واعملوا حملة الدعاء على أشرف السعد ولو يوم واحد بس.. أنا مش طالب منكم شيء كبير كل اللي أنا طالبه إنكم تعطوني يوم تدعوا عليا فيه هل هذا كثير؟".