عوامل نجاح صفحة فيس بوك كتير، خلونا نتكلم عن أهم 6 فيهم وإزاي تقدر تستخدمهم عشان تحسن صفحتك. 1- إستخدم كفر فوتو واضحة أول حاجة بتقع عليها عين اللي بيفتح صفحتك هيا الكفر فوتو، الرسائل اللي لازم توصل في اول ثواني هي إنتا مين و بتعمل إيه. الحمد لله إن فيس بوك لسه محطش قوانين مهمة ليها غير دول -لحد دلوقتي-: - الكفر فوتو متاحة وكل الناس تقدر تشوفها، يعني مينفعش تبقا برايفيت - مينفعش تبقي خادعة أو مضللة أو تنتهك حقول الملكية الفكرية - مينفعش توجه رسالة مباشرة للفانز إنهم يستخدموها في صفحاتهم الشخصية الحمد لله برضو إن قاعدة 20% تيكيست سارية عالإعلانات بس، وبالتالي مفيش أي حدود علي إستخدام التيكست في الكفر فوتو، ومع ذلك أنا مبنصحش إنك تملا الكفر فوتو بكلام ملهوش لازمة، كل ما بقت أبسط كل ما بقت أفضل. بعض النصايح للكفر فوتو: - إستخدم صورة مقاسها 851*315 عالية الجودة لإنها لو صغيرة فيس بوك هيكبرها و هتبكسل. - دايماً إستخدم صور و كلام مرتبط بالبراند وخدماتك أو منتجاتك. - عشان تتفادي إن الفانز تزهق غير الكفر فوتو حسب المواسم أو المناسبات أو الأجازات اللي ليها علاقة حتي لو غير مباشرة بالبراند بتاعك. 2- حسِّن صورة البروفايل صورة البروفايل هي أكتر حاجة هيشوفها الفانز علشان بتظهر في: - التايم لاين بتاع الفانز - البوستات اللي إنتا حاططها علي التايم لاين بتاع صفحتك - ردودك علي الكومنتات - ردودك و بوستاتك علي الصفحات التانية باستخدام اكاونت صفحتك - تحت الكفر فوتو مباشرة بعض النصايح لصورة البروفايل: - الصورة لازم تبقي مربعة عشان تظهر كاملة - إتأكد إنها بتظهر كويس في مقاسات 100*100 للتايم لاين بتاع الفانز و 86*86 للتايم لاين بتاع صفحتك و 43*43 للردود علي الكومنتات 3- كمل الأباوت الأباوت الناقص أو المكتوب غلط بيخليك تخسر فانز و زيارات لصفحتك، خلي بالك ان أقسام الأباوت بتفرق حسب نوع الصفحة، يعني مثلا لو الصفحة معموله لمكان حقيقي بتلاقي مكان لبيانات الاتصال وساعات العمل، لو معندكش مكان حقيقي غير نوع الصفحة يبقي شركة أو براند. نصائح للأباوت: - أيا كان نوع صفحتك لازم تكمل كل أجزاء الأباوت - استخدم علي الأقل 100 حرف من ال 155 للشورت ديسكريبشن 4- خليك جاهز للموبايل لازم تجرب تفتح صفحتك من كذا موبايل وتابلت بكذا مقاس شاشة عشان تظبط الديسكريبشن بحيث إن الجزء الظاهر منه في كل مقاسات الشاشات فيه اهم المعلومات. لازم كمان تتاكد ان الجزء المهم في الكفر فوتو بيظهر علي كل الأجهزة. 5- إستخدم فيس بوك آبس بعض الناس فاكرة إن إستخدام فيس بوك آبس ملهوش لازمة بما إن فيس بوك مبيسمحلكش إنك تعملها الصفحة الرئيسية و عشان مبتظهرش في الموبايل لكن الحقيقة إنك تقدر تستخدم الآبس عشان تحقق أهداف كتير. نصائح لإستخدام فيس بوك آبس: - استخدمها عشان تخلي الناس تشترك في النيوز ليتر - نزل الآبس بتاعة بنترست و تويتر و يوتيوب و إنستجرام عشان تجيب ليهم مشاهدات و سبسكرايب 6- إشتغل من كونتنت ستراتيجي ممكن يكون عندك أحلي كفر فوتو و صورة بروفايل، أوضح أباوت و أحسن آبس بس معندكش كونتنت ستراتيجي ساعتها هتبقي زي اللي بيحفر في الميّة. التعديلات اللي بيعملها فيس بوك في ألجوريزم الظهور بتخليك محتاج تكتب اكتر علشان تفضل دايماظاهر قدام الفانز وتزود التفاعل، دايما بفضل إن الصفحات تبتدي يوميا بتلات انواع مختلفة من البوستات: - صورة - تيكست - لينكات بعد كده تبتدي تظبط نسب الإستخدام بينهم علي حسب نسب التفاعل مع كل نوع فيهم، ومتنساش كل فترة تحط بوست دمها خفيف او كوميك موضوعه مرتبط بموضوع صفحتك. نصايح للكونتنت ستراتيجي: - آخر تحديث عمله فيس بوك قلل الريتش بتاع بوستات التيكست - القيمة الأساسية لأي صفحة فيس بوك انها تجيب زوار للموقع بتاعك، هناك يقدر اليوزر يقرا مقال انتا كاتبه او يشترك في النيوزليتر او يشتري منتج، إستخدم لينكات واضحه باين في الدسكربشن وراها إيه عشان الناس تدوس علي اللينك، اتاكد كمان ان صفحة اللينك فيها صورة حلوة عشان تظهر مع البوست، استخدم مواقع زي بيتلي أو جوجل أناليتيكس عشان تعرف معدلات الضغط علي اللينكات لو عندك نصايح تانية وتجارب عملتها وجابت معاك نتايج اكتبهالي في الكومنتات