الضابط المجني عليه في قضية التعذيب: الذناتى صفعنى قائلا "انت ظابط هنموتكم النهاردة دمكم حلال يا ولاد الكلب"

قال الضابط المجنى عليه فى محاكمة البلتاجى وحجازى بتعذيبه امام محكمة جنايات القاهرة المنعقدة بمعهد أمناء الشرطة أنه فى 23 يوليو تلقى تعليمات بالخروج لتأمين مسيرة للإخوان بمصر الجديدة , فتوجه مع أمين الشرطة بالموتوسيكل الخاص به , دون أن يحمل سلاح بناء علي تعليمات رئيس المباحث .

وفى شارع صلاح سالم فوجيء باحد الاشخاص يستوقه و يطلب منه تحديد شخصيته , واتهمه بقتل الناس وأنه رأه يحمل سلاحا فقال لهم " فتشوني و لو لقيتوا معايا سلاح انا مستعد لاي حاجة "، و بعد تفتيشه تركوه ثم فوجيء باحدهم يجري قائلا "متسيهوش احنا هنصحبه لرابعة للتحقيق معه" ، مما دفعه الي الجري و لكنهم لحقوا به حتي استوقفوه في شارع جانبي.

واستولوا على حافظته وتليفونه المحمول و تعدوا عليه بالضرب وهم يسألوه من أنت ولماذا تجرى "لكنه لم يجب عليهم, حتى اخبرهم أحد الأشخاص أنه معاون مباحث بقسم مصر الجديدة ولا تتركوه ، ثم احضروا سيارة للاتجاه به الي رابعة وبعد دقائق مجموعة تانية جابوا المندوب هاني عيد و ركبوه جنبه في الميكروباص .

ثم جاء احد الأشخاص قائلا "الدكتور البلتاجي بيقولكم خدوه علي المنصة " فدخلنا بالسيارة وسط المعتصمين الذين تعدوا على بالسب والضرب حتى وصلنا للمنصة ، فأمرهم شخص بادخالنا للمستشفي الميداني بناء علي تعليمات البلتاجي ،

و بدخول المستشفي الميداني استقبلنا الدكتور محمد الزناتي و صفعنى علي وجهى فور رؤيتى "انت ظابط هنموتكم النهاردة دمكم حلال يا ولاد الكلب "، و كان الزناتي هو من يعطي التعليمات بالضرب و بعد حوالي ربع ساعة من الضرب المتواصل الزناتي قالهم "هما عينيهم مفتحة ليه غموهم "، فربطوا ايدينا و رجلينا ورا ضهرنا و عصبوا أعيننا بشاش ابيض عليه لاصقات طبية .

وبعد مرور فترة في المستشفي من الضرب جاء شخص قالهم هاتوه للدكتور البلتاجي هيحقق معاه "فوجئت بزج السرير ، مسافة لا تتعدي المتر فسألنى البلتاجي 3 او 4 اسئلة من نوعية "انت مخابرات ولا امن دولة , لا يبقي انت قناص و انت اللي قتلت الناس في المسيرة , فقلت له هو في قناص بدون سلاح , فسألنى انت شغال ايه, قلت انا معاون مباحث مصر الجديدة ، فقال خلوه لحد لما نشوف هنعمل معاه ايه.

بعد 10 دقائق قام أحد الاشخاص بفك رباط قدمى و مشيت معه معصوب العينين وركبت سيارة , وكان هناك بصحبتهم شخص آخر سألنى هل تعرف العميد مصطفي شحاتة مامور قسم مدينة نصر هو كلمني و انا رئيس حي مدينة نصر وائل شعيب , وبعد قليل توقفت السيارة ونزلنا منها امام طيبة مول عند اعتصام رابعة ،

ثم فجأه وقبل أن نركب تاكسى أنا وأمين الشرطة , سأله الناس من هؤلاء , فقال لهم دة واحد قريبي و كانوا شاكين انه بلطجي جوة الاعتصام و انا هركبه تاكسي يوصل لحد البيت ثم حدثت مشادة مع هؤلاء الاشخاص

، فحضر شخص و قال دة الضابط و امين الشرطة اللي مسكناهم في مسيرة السبع عمارات ، وقال لهم أرجعهم الناس دي لحد لما نتحقق ان قيادات الاعتصام امروا انهم يمشوا , و دخولنا المستشفي الميداني و محمد الزناتي كان عصبي "مين اللي خلاهم يمشوا" ، و عقب مرور فترة حضر ناس و دار حديث بين الزناتي و اخرين "هتودوهم فين" قالوا هنخلص عليهم و نرموهم على الطريق الدائري.

فقال الزناتي بلاش الطريق الدائري عشان متتمسكوش زي الخمسة بتوع الاسبوع اللي فات ، ، و لما حسيت اني خلاص هموت وقعت نفسي علي الارض فهمس شخص فى أذنى انا هاني ابو علم رئيس مباحث السلام و سبق ان عملت معه بقسم المطرية ، و سرت معه حتر ركبت السيارة ، وهانى أيضا و فك رباط عينى فوجدت أن قائد السيارة كان المقدم علاء بشندي رئيس مباحث مدينة نصر و بجواره العميد مصطفي شحاتة و النقيب محمد ثروت .