أزيكم يا فضفضة واحشني بقالي مدة ما بعتش همومي بس المانع الحمد لله المرة دي كان خير ... المهم ... مراتي فيها صفات هايلة وست بيت ممتازة الصراحة ام برضه ممتازة لكن مشكلتي معاها وشها المقلوب ،،، مش عارف هل دي خلقة ربنا ولا ده طبع ولا ايه ؟ فشلت في معرفة السبب خصوصا اني كلمتها كتير جداً .. قلتلها على موضوع قلبة وشها لما بتستقبلني وانا راجع من الشغل وكان ردها : أنا كويسة مفيش حاجة مضايقاني .. امال ايه بس يا امي قافلة حواجبك ليه بس ؟! يعني يا جماعة ينفع والنبي تبقى الست الحمد لله كويسة وكله ماشي تمام لكن وشها مقلوب اغلب الوقت ؟ ده حتى الواحد نفسه تتقفل ... يعني لو كنت ناوي على حاجة عدلة هرجع في كلامي ،، ما بقتش فاهم هية دي خلقتها ولا مثلا بتكون تعبانة من شغل البيت وهية بتستقبلني ..حد يفهمني أحسن بجد نفسي قفلت ... وطبعا مش معقول هكلمها اكتر من كدة لان الموضوع ده أخد مننا راقات .... هل فيه نصيحة من السيدات الفاضلات قارءات فضفضة ينصحوني ؟! ولا ده العادي بتاع الستات وانا اللي مش واخد خبر ولا ايه ؟