الفنانين تحولوا لنشطاء على الفيس وتويتر تضامنا مع غزة

بعد تصاعد الأحداث فى قطاع غزة بين حركة حماس والجانب الإسرائيلى، توالت تعليقات النجوم على الحدث عبر صفحاتهم على مواقع التواصل الإجتماعى، كان من بين هؤلاء النجوم الفنانة نشوى مصطفى والتى كتبت:

"الاخوة اللي حللو قرض البنك الدولي الإخوة اللي بتوع شرع الله المجاهدين في سبيله الإخوة اللي بيشتموا و بيلعنو و بيفبركو صور إباحية الإخوة اللي بيتشطروا علي عادل إمام لأنه بيزدري الدين الإسلامي الإخوة اللي عايزين القدس تبقي عاصمة الخلافة الإخوة اللي عايزين يسلقوا الدستور بما لايخالف شرع الله الإخوة الجهاديين في سينا اللي بيتشطرا علي جنود مصريين يا جماعة غزة تستغيث بكم بما لا يخالف شرع الله نتمني لكم الشهادة ورونا مليونية لنصرة كلمة الله ضد عدو الله في غزة و أهي الأنفاق موجودة و معبر رفح تحت أمر حضراتكم .."
بينما كتب المخرج عمرو سلامة:
" أعرف ناس كثير لو كانوا سايقين وحد كسر عليهم جامد بيتاكدوا الأول أن الشباك مقفول كويس وبعد كده يشتموه باوسخ الألفاظ.
كنت طول عمري بتساءل ايه لازمة الشتيمة طالما أن اللي بتشتمه مش هايسمعها ولا هتئذيه في حاجة!
لحد ما حسيت أن هدفهم من الشتيمة مش أذى اللي كسر عليهم ولا تصعيد المشكلة، الهدف هو فقط إخراج طاقة ما علشان يستريحوا ويحسوا أنهم خدوا حقهم.
النهاردة اكتشفت أن ديه نفس سياستنا مع أي دولة عربية بيحصل فيها مذبحة، بنشتم السفاحين اللي عاملينها جامد قوي .. بس واحنا متأكدين أن الشباك مقفول."

يذكر أن الإشتباكات بين حركة حماس والجانب الإسرائيلى قد بدأت ليلة أمس إثر إغتيال "أحمد الجعبرى" القيادى بحركة حماس.