هاشتاج "#يحيا-البرنامج" يشعل حربا على "تويتر".. وأمانى الخياط ل"باسم يوسف": "هيجيلك يوم باي باي"

اشتعلت الحرب على موقع التواصل الاجتماعى "تويتر" بعد تدشين الإعلامى باسم يوسف، مقدم برنامج "البرنامج"، هاشتاج يحمل عنوان "#يحيا_البرنامج"، وذلك عقب إعلان أسرة البرنامج اعتذارها الرسمى عن عدم الظهور على شاشة Mbc مصر فى الوقت المحدد الذى ينتظره الجمهور يومي الجمعة والسبت 30 و31 مايو الجارى.
وشن بعض النشطاء هجوما على الإعلامي الساخر، فى حين عبر آخرون عن حزنهم الشديد لحرمانهم من مشاهدة البرنامج فى التوقيت المحدد.
وقالت@Mar_ibrahim: "يا باسم لازم تحفل عليهم يا باسم.. يا باسم اطلع على TV الجمعة يا باسم بدنا نضحك يا باسم"، بينما علق marawan omara قائلا: "طبيعى حلقة عن انتخابات مافيهاش مشاركة لازم يمنعوها وهما أصلا كدا كدا مش لاقيين حد ينزل".
وفى السياق نفسه، قالت nahlamortada: "للأسف اللي بيعمل برامج في البلد دي مابينفعش، لازم تبقى من غير برنامج. دا اللي ماشي اليومين دول بس وراك برضوا"، وقال Shehab: "فى نقطة مهمة أوى هما مش حاسين إن هما كدا بيزودوا شعبية البرنامج".
أما @BassemFekre فغرد: "البرنامج بقى بالنسبة لناس كتير الوسيلة الوحيدة للتعبير عن المشاعر السلبية نحو النظام والإعلام والمجتمع اللى مش بنقدر نقوله هو بيقوله".
كما شهد هذا الهاشتاج الهجوم من بعض النشطاء فغرد تامر أمين: "واضح يا باسم إنك هتطلع أداة زي ما قالوا في الأول واحنا ماصدقناهمش".
وعلقت الإعلامية أمانى الخياط قائلة: "ياريت تكون عارف يا باسم إنه كما تدين تدان وإنك زي ما بتتريق على البشر عمال على بطال كمان هيجيلك يوم باي باي"، وقام أحد النشطاء ويدعى Mohamed Galal بالرد عليها فكتب: "ده اللي بيتفرجوا على باسم في يوم واحد إنتي ماجمعتهوش طول عمرك ولا عمرك هتجمعيه".